ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਸਟਾਰ ਬਣ ਚੁੱਕੇ ਵਰੁਣ ਧਵਨ ਹੁਣ ਆਪਣੇ ਪੈਰਾਂ 'ਤੇ ਖੜ੍ਹੇ ਹੋ ਚੁੱਕੇ ਹਨ। ਇਕ ਤੋਂ ਬਾਅਦ ਇਕ 9 ਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਵਰੁਣ ਧਵਨ ਨੇ ਮੁੰਬਈ ਦੇ ਬਾਂਦਰਾ ਵਰਗੇ ਮਹਿੰਗੇ ਇਲਾਕੇ 'ਚ ਘਰ ਖਰੀਦ ਹੀ ਲਿਆ। ਘਰ ਦਾ ਇੰਟੀਰੀਅਰ ਸ਼ਾਹਰੁਖ ਖਾਨ ਦੀ ਪਤਨੀ ਗੌਰੀ ਖਾਨ ਤੋਂ ਡਿਜ਼ਾਈਨ ਕਰਵਾਇਆ ਗਿਆ ਹੈ।
ਹਾਲ ਹੀ 'ਚ ਗ੍ਰਹਿ ਪ੍ਰਵੇਸ਼ ਦੀ ਪੂਜਾ ਵੀ ਰੱਖੀ, ਜਿਸ 'ਚ ਕੇਵਲ ਘਰ-ਪਰਿਵਾਰ ਦੇ ਲੋਕ ਹੀ ਸ਼ਾਮਲ ਹੋਏ। ਜੇਕਰ ਅਨੁਪਮ ਖੇਰ ਨੇ ਵਰੁਣ ਦੇ ਇਸ ਨਵੇਂ ਘਰ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਨਾ ਕੀਤੀ ਹੁੰਦੀ ਤਾਂ ਸ਼ਾਇਦ ਸਾਨੂੰ ਇਸ ਗੱਲ ਦੀ ਜਾਣਕਾਰੀ ਵੀ ਨਾ ਮਿਲ ਪਾਉਂਦੀ।
ਹੁਣ ਵਰੁਣ ਨੂੰ ਲੈ ਕੇ ਇਕ ਹੋਰ ਹੈਰਾਨੀਜਨਕ ਖਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਮੁਤਾਬਕ ਵਰੁਣ ਆਪਣੀ ਪ੍ਰੇਮਿਕਾ ਨਤਾਸ਼ਾ ਦਲਾਲ ਲਈ ਆਪਣੇ ਪਿਤਾ ਡੇਵਿਡ ਧਵਨ ਦਾ ਘਰ ਛੱਡ ਰਹੇ ਹਨ।
ਸੂਤਰਾਂ ਮੁਤਾਬਕ ਆਲੀਆ ਭੱਟ ਨਾਲ ਨਜ਼ਦੀਕੀਆਂ ਦੇ ਕਾਰਨ ਵਰੁਣ ਧਵਨ ਦੀ ਪ੍ਰੇਮਿਕਾ ਨਾਲ ਰਿਸ਼ਤੇ 'ਚ ਦਰਾੜ ਪੈਦਾ ਹੋ ਰਹੀ ਹੈ। ਇਸ ਤੋਂ ਇਲਾਵਾ ਉਹ ਨਤਾਸ਼ਾ ਨੂੰ ਸਮਾਂ ਵੀ ਨਹੀਂ ਦੇ ਪਾ ਰਹੇ।
ਇਸ ਲਈ ਵਰੁਣ ਨੇ ਤੈਅ ਕੀਤਾ ਹੈ ਕਿ ਉਹ ਆਪਣੇ ਮਾਤਾ-ਪਿਤਾ ਦਾ ਘਰ ਛੱਡ ਕੇ ਨਤਾਸ਼ਾ ਨਾਲ ਆਪਣੇ ਨਵੇਂ ਘਰ 'ਚ ਸ਼ਿਫਟ ਹੋ ਜਾਣਗੇ ਤਾਂ ਕਿ ਫ੍ਰੀ ਸਮਾਂ ਉਹ ਨਤਾਸ਼ਾ ਨਾਲ ਬਿਤਾ ਸਕਨ। ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਨਤਾਸ਼ਾ ਨਾਲ ਵਰੁਣ ਦਾ ਅਫੇਅਰ ਫਿਲਮਾਂ 'ਚ ਆਉਣ ਤੋਂ ਪਹਿਲਾਂ ਦਾ ਹੈ। 'ਬਦਰੀਨਾਥ ਦੀ ਦੁਲਹਨੀਆ' ਤੇ 'ਜੁੜਵਾਂ 2' ਵਰਗੀਆਂ ਹਿੱਟ ਫਿਲਮਾਂ ਦੇਣ ਤੋਂ ਬਾਅਦ ਵਰੁਣ ਹੁਣ ਆਪਣੀ ਅਗਲੀ ਫਿਲਮ 'ਸੂਈ ਧਾਗਾ' ਦੀ ਸ਼ੂਟਿੰਗ 'ਚ ਰੁੱਝੇ ਹੋਏ ਹਨ।