ਮੁੰਬਈ(ਬਿਊਰੋ)— ਮਸ਼ਹੂਰ ਨਿਰਦੇਸ਼ਕ ਡੇਵਿਡ ਧਵਨ ਦੇ ਬੇਟੇ ਤੇ ਬਾਲੀਵੁੱਡ ਐਕਟਰ ਵਰੁਣ ਧਵਨ ਦੀ ਫਿਲਮ 'ਅਕਤੂਬਰ' ਜਲਦ ਰਿਲੀਜ਼ ਹੋਣ ਵਾਲੀ ਹੈ। ਇਸ ਫਿਲਮ 'ਚ ਵਰੁਣ ਧਵਨ ਹੋਟਲ 'ਮੈਨੇਜਮੈਂਟ ਟ੍ਰੇਨੀ' ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ। ਰਿਪੋਰਟਸ ਮੁਤਾਬਕ ਇਸ ਕਿਰਦਾਰ ਲਈ ਵਰੁਣ ਨੇ ਹੋਟਲ ਮੈਨੇਜਮੈਂਟ ਦੇ ਸਟੂਡੈਂਟਸ ਵਾਂਗ ਹੀ ਟ੍ਰੇਨਿੰਗ ਲਈ ਹੈ।
ਇੱਥੋਂ ਤੱਕ ਕਿ ਵਰੁਣ ਨੇ ਇਸ ਲਈ ਹੋਟਲ 'ਚ ਬਰਤਨ ਵੀ ਸਾਫ ਕੀਤੇ। ਸ਼ੂਜੀਤ ਸਰਕਾਰ ਦੀ ਇਸ ਫਿਲਮ ਦੀ ਸ਼ੂਟਿੰਗ ਦਿੱਲੀ ਦੇ ਫਾਈਵ ਸਟਾਰ ਹੋਟਲ 'ਚ ਹੋਈ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਪਰਦੇ 'ਤੇ ਕਿਰਦਾਰ ਅਸਲੀ ਦਿਖਾਉਣ ਲਈ ਵਰੁਣ ਨੇ ਖੂਬ ਮਿਹਨਤ ਕੀਤੀ। ਵਰੁਣ ਨੇ ਆਪਣੇ ਸਟਾਰਡਮ ਨੂੰ ਇਸ ਵਿਚਕਾਰ ਬਿਲਕੁੱਲ ਨਹੀਂ ਆਉਣ ਦਿੱਤਾ ਅਤੇ ਪੂਰੀ ਮਿਹਨਤ ਨਾਲ ਮਹਿਮਾਨਾਂ ਦੇ ਆਰਡਰ ਪੂਰੇ ਕੀਤੇ।
ਉਨ੍ਹਾਂ ਨੇ ਟ੍ਰੇਨਿੰਗ ਦੌਰਾਨ ਹਰ ਕੰਮ ਕੀਤਾ, ਜੋ ਰੀਅਲ ਲਾਈਫ 'ਚ ਹੋਟਲ ਟ੍ਰੇਨੀ ਕਰਦੇ ਹਨ। ਦਿਲਚਸਪ ਗੱਲ ਹੈ ਕਿ ਇਸ ਦੋਰਾਨ ਵਿਦੇਸ਼ੀ ਸੈਲਾਨੀਆਂ ਨੇ ਉਨ੍ਹਾਂ ਨੂੰ ਅਸਲੀ ਕਰਮਚਾਰੀ ਸਮਝ ਲਿਆ ਸੀ ਅਤੇ ਖਾਣੇ ਦਾ ਆਰਡਰ ਦੇ ਦਿੱਤਾ। ਇਸ ਬਾਰੇ 'ਚ ਫਿਲਮ ਦੇ ਨਿਰਦੇਸ਼ਕ ਸ਼ੂਜੀਤ ਸਰਕਾਰ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਵਰੁਣ ਤੋਂ ਇੰਨੀ ਮਿਹਨਤ ਇਸ ਲਈ ਕਰਵਾਈ ਤਾਂ ਕਿ ਵਰੁਣ ਜਾਣ ਸਕੇ ਕਿ ਹੋਟਲ ਦਾ ਕੰਮ ਕਿੰਨਾ ਅਨੁਸ਼ਾਸਿਤ ਹੁੰਦਾ ਹੈ ਅਤੇ ਇੱਥੇ ਕਿਸ ਤਰ੍ਹਾਂ ਦੇ ਕੰਮ ਹੁੰਦੇ ਹਨ।
