ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਵਰੁਣ ਧਵਨ ਜਲਦ ਹੀ ਚਾਚਾ ਬਣਨ ਵਾਲਾ ਹੈ। ਅਸਲ 'ਚ ਉਸ ਦੀ ਭਾਬੀ ਯਾਨੀ ਵੱਡੇ ਭਰਾ ਰੋਹਿਤ ਧਵਨ ਦੀ ਪਤਨੀ ਜਾਹਨਵੀ ਧਵਨ ਜਲਦ ਮਾਂ ਬਣਨ ਵਾਲੀ ਹੈ। ਰੋਹਿਤ ਤੇ ਜਾਹਨਵੀ ਆਪਣੇ ਪਹਿਲੇ ਬੱਚੇ ਦੇ ਆਉਣ ਦੀ ਪਲਾਨਿੰਗ ਕਰ ਰਹੇ ਹਨ। ਹਾਲ ਹੀ 'ਚ ਜਾਹਨਵੀ ਦਾ ਬੇਬੀ ਸ਼ਾਵਰ ਰੱਖਿਆ ਗਿਆ। ਇਸ ਦੌਰਾਨ ਖਾਸਤੌਰ 'ਤੇ ਸੋਨਾਕਸ਼ੀ ਸਿਨਹਾ ਪੁੱਜੀ। ਸੋਨਾਕਸ਼ੀ ਸਿਹਨਾ ਨੇ ਸੋਸ਼ਲ ਮੀਡੀਆ 'ਤੇ ਬੇਬੀ ਸ਼ਾਵਰ ਦੀ ਇਕ ਤਸਵੀਰ ਵੀ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਗਰਭਵਤੀ ਜਾਹਨਵੀ ਤੇ ਰੋਹਿਤ ਨਾਲ ਸੈਲਫੀ ਲੈਂਦੀ ਨਜ਼ਰ ਆ ਰਹੀ ਹੈ। ਦੂਜੇ ਪਾਸੇ ਵਰੁਣ ਨੇ ਵੀ ਫੰਕਸ਼ਨ ਦੀ ਤਸਵੀਰ ਸ਼ੇਅਰ ਕੀਤੀ, ਜਿਸ 'ਚ ਵਰੁਣ ਧਵਨ ਪਰਿਵਾਰ ਦੀਆਂ ਮਹਿਲਾਵਾਂ ਨਾਲ ਨਜ਼ਰ ਆ ਰਿਹਾ ਹੈ। ਦੱਸ ਦੇਈਏ ਕਿ ਰੋਹਿਤ ਧਵਨ ਤੇ ਜਾਹਨਵੀ ਨੇ ਸਾਲ 2012 'ਚ ਗੋਆ 'ਚ ਵਿਆਹ ਕਰਵਾਇਆ ਸੀ। ਰੋਹਿਤ ਡਾਇਰੈਕਟਰ ਹੈ ਤੇ ਉਨ੍ਹਾਂ ਨੇ 'ਦੇਸੀ ਬੁਆਏ', 'ਡਿਸ਼ੂਮ' ਵਰਗੀਆਂ ਫਿਲਮਾਂ ਨੂੰ ਡਾਇਰੈਕਟ ਕੀਤਾ ਹੈ। ਦੱਸਣਯੋਗ ਹੈ ਕਿ ਪਿਛਲੇ ਹਫਤੇ ਸਿਨੇਮਾਘਰਾਂ 'ਚ ਵਰੁਣ ਦੀ ਰਿਲੀਜ਼ ਹੋਈ ਫਿਲਮ 'ਅਕਤੂਬਰ' ਬਾਕਸ ਆਫਿਸ 'ਚ ਚੰਗਾ ਕਾਰੋਬਾਰ ਕਰ ਰਹੀ ਹੈ। ਫਿਲਮ ਨੂੰ ਲੋਕਾਂ ਵਲੋਂ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਫਿਲਮ ਨੇ ਓਪਨਿੰਗ ਵੀਕੈਂਡ 'ਚ 20.25 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ।