ਮੁੰਬਈ (ਬਿਊਰੋ)— ਬਾਲੀਵੁੱਡ ਅਭਿਨੇਤਾ ਵਰੁਣ ਧਵਨ ਦੀ ਭਾਬੀ ਜਾਨਵੀ ਦੇਸਾਈ ਨੇ ਮਈ ਦੇ ਅੰਤ 'ਚ ਬੇਟੀ ਨੂੰ ਜਨਮ ਦਿੱਤਾ ਸੀ। ਫਿਲਹਾਲ ਉਹ ਅੱਜ ਸਵੇਰੇ ਹਸਪਤਾਲ ਤੋਂ ਘਰ ਵਾਪਸ ਪਰਤੀ ਹੈ। ਇਸ ਦੌਰਾਨ ਉਹ ਆਪਣੀ ਬੇਟੀ ਦਾ ਚਿਹਰਾ ਕੈਮਰੇ ਤੋਂ ਲੁਕਾਉਂਦੀ ਦਿਖੀ। ਉਹ ਨਹੀਂ ਚਾਹੁੰਦੀ ਸੀ ਕਿ ਕੈਮਰੇ ਦੀ ਲਾਈਟ ਉਸਦੀ ਬੇਟੀ ਦੀਆਂ ਅੱਖਾਂ 'ਤੇ ਪਵੇ।
ਪਿਛਲੇ ਕੁਝ ਦਿਨਾਂ ਤੋਂ ਵਰੁਣ ਧਵਨ ਦੇ ਭਰਾ ਰੋਹਿਤ ਅਤੇ ਭਾਬੀ ਜਾਨਵੀ ਨੂੰ ਹਸਪਤਾਲ ਆਉਂਦੇ-ਜਾਂਦੇ ਦੇਖਿਆ ਜਾ ਰਿਹਾ ਸੀ। ਵਰੁਣ ਦੀ ਗਰਲਫਰੈਂਡ ਨਤਾਸ਼ਾ ਦਲਾਲ ਵੀ ਉਸਨੂੰ ਮਿਲਣ ਹਸਪਤਾਲ ਪਹੁੰਚੀ ਸੀ। ਖਬਰਾਂ ਦੀ ਮੰਨੀਏ ਤਾਂ ਧਵਨ ਪਰਿਵਾਰ ਜਲਦ ਹੀ ਇਕ ਸ਼ਾਨਦਾਰ ਪਾਰਟੀ ਆਯੋਜਨ ਕਰਨ ਵਾਲਾ ਹੈ।
ਦੱਸਣਯੋਗ ਹੈ ਕਿ ਵਰੁਣ ਦੇ ਭਰਾ ਰੋਹਿਤ ਧਵਨ ਅਤੇ ਜਾਨਵੀ ਦੇਸਾਈ ਦਾ ਵਿਆਹ 2012 'ਚ ਹੋਇਆ ਸੀ। ਇਹ ਉਨ੍ਹਾਂ ਦਾ ਪਹਿਲਾ ਬੱਚਾ ਹੈ। ਇਹ ਤਸਵੀਰਾਂ ਉਦੋਂ ਕਲਿਕ ਕੀਤੀਆਂ ਗਈਆਂ ਹਨ ਜਦੋਂ ਉਹ ਹਸਪਤਾਲ 'ਚੋਂ ਨਿਕਲ ਰਹੇ ਸਨ।