ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਵਰੁਣ ਧਵਨ ਅੱਜ 31 ਸਾਲ ਦੇ ਹੋ ਗਏ ਹਨ। ਉਨ੍ਹਾਂ ਦਾ ਜਨਮ 1987 ਨੂੰ ਮੁੰਬਈ 'ਚ ਹੋਇਆ ਸੀ। ਵਰੁਣ ਬਾਲੀਵੁੱਡ ਦੇ ਮਸ਼ਹੂਰ ਡਾਇਰੈਕਟਰ ਡੈਵਿਡ ਧਵਨ ਦੇ ਬੇਟੇ ਹਨ। ਉਨ੍ਹਾਂ ਨੇ ਫਿਲਮਾਂ ਦੀ ਸ਼ੁਰੂਆਤ ਕਰਨ ਤੋਂ ਪਹਿਲਾਂ ਕਰਨ ਜੌਹਰ ਦੀ ਫਿਲਮ 'ਮਾਏ ਨੇਮ ਇਜ਼ ਖਾਨ' 'ਚ ਬਤੌਰ ਅਸਿਸਟੈਂਟ ਡਾਇਰੈਕਟਰ ਵੀ ਕੰਮ ਕੀਤਾ ਹੈ। ਵਰੁਣ ਧਵਨ ਨੇ ਸਾਲ 2012 'ਚ ਕਰਨ ਜੌਹਰ ਨਿਰਦੇਸ਼ਿਤ ਫਿਲਮ 'ਸਟੂਡੈਂਟ ਆਫ ਦਿ ਈਅਰ' ਨਾਲ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ਫਿਲਮ 'ਚ ਉਨ੍ਹਾਂ ਨਾਲ ਆਲੀਆ ਭੱਟ ਤੇ ਸਿਧਾਰਥ ਮਲਹੋਤਰਾ ਵੀ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਨੇ 'ਮੈਂ ਤੇਰਾ ਹੀਰੋ', 'ਹੰਪਟੀ ਸ਼ਰਮਾ ਕੀ ਦੁਲਹਨੀਆਂ', 'ਦਿਲਵਾਲੇ', 'ਬਦਰੀਨਾਥ ਕੀ ਦੁਲਹਨੀਆ', 'ਬਦਲਾਪੁਰ', 'ਏ. ਬੀ. ਸੀ. ਡੀ. 2', 'ਢਿਸ਼ੂਮ' ਤੇ 'ਜੁੜਵਾ 2' ਵਰਗੀਆਂ ਫਿਲਮਾਂ 'ਚ ਐਕਟਿੰਗ ਕਰਕੇ ਖੂਬ ਸੁਰਖੀਆਂ ਬਟੋਰੀਆ ਸਨ। ਦੱਸ ਦੇਈਏ ਕਿ ਹਾਲ ਹੀ 'ਚ ਵਰੁਣ ਦੀ ਫਿਲਮ 'ਅਕਤੂਬਰ' ਰਿਲੀਜ਼ ਹੋਈ ਹੈ। ਨਿਰਦੇਸ਼ਕ ਸ਼ੂਜੀਤ ਸਰਕਾਰ ਦੀ ਇਸ ਫਿਲਮ 'ਚ ਵਰੁਣ ਧਵਨ ਵੱਖਰੇ ਅੰਦਾਜ਼ 'ਚ ਨਜ਼ਰ ਆਏ। ਵਰੁਣ ਨੇ ਆਪਣੇ ਕਿਰਦਾਰ ਲਈ ਖੂਬ ਮਿਹਨਤ ਕੀਤੀ, ਜੋ ਪਰਦੇ 'ਤੇ ਬਖੂਬੀ ਨਜ਼ਰ ਵੀ ਆ ਰਹੀ ਹੈ। 'ਅਕਤੂਬਰ' 'ਚ ਵਰੁਣ ਧਵਨ ਨੇ ਹੋਟਲ ਮੈਨੇਜਮੈਂਟ ਟਰੇਨੀ ਦਾ ਕਿਰਦਾਰ ਨਿਭਾਇਆ ਹੈ। ਇਸ ਕਿਰਦਾਰ 'ਚ ਖੁਦ ਨੂੰ ਫਿੱਟ ਕਰਨ ਲਈ ਵਰੁਣ ਨੇ ਹੋਟਲ ਮੈਨੇਜਮੈਂਟ ਦੇ ਸਟੂਡੈਂਟਸ ਵਾਂਗ ਟਰੇਨਿੰਗ ਲਈ ਹੈ। ਵਰੁਣ ਨੇ ਇਸ ਲਈ ਬਕਾਇਦਾ ਹੋਟਲ ਦੇ ਬਰਤਨ ਵੀ ਸਾਫ ਕੀਤੇ। ਇਸ ਫਿਲਮ ਦੀ ਸ਼ੂਟਿੰਗ ਦਿੱਲੀ ਦੇ ਇਕ ਫਾਈਵ ਸਟਾਰ ਹੋਟਲ 'ਚ ਹੋਈ ਹੈ। ਉਨ੍ਹਾਂÎ ਨੇ ਫਾਈਵ ਸਟਾਰ ਹੋਟਲ 'ਚ ਕੁਕਿੰਗ ਤੋਂ ਲੈ ਕੇ ਟਾਈਲੇਟ/ਬਾਥਰੂਮ ਦੀ ਸਫਾਈ ਤੱਕ ਵੀ ਕੀਤੀ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਟਰੇਨਿੰਗ ਦੌਰਾਨ ਵਿਦੇਸ਼ੀ ਯਾਤਰੀ ਨੇ ਉਨ੍ਹਾਂ ਨੂੰ ਅਸਲ 'ਚ ਕਰਮਚਾਰੀ ਸਮਝ ਲਿਆ ਤੇ ਖਾਣੇ ਦੇ ਨਾਲ ਰੂਪ ਸਰਵਿਸ ਦਾ ਆਰਡਰ ਤੱਕ ਦੇ ਦਿੱਤਾ ਸੀ। ਵਰੁਣ ਨੇ ਆਪਣੇ ਸਟਾਰਡਮ ਨੂੰ ਵਿਚਕਾਰ ਨਾ ਆਉਣ ਦਿੱਤਾ ਤੇ ਪੂਰੀ ਸ਼ਿੱਦਤ ਨਾਲ ਮਹਿਮਾਨ ਦੇ ਆਰਡਰ ਪੂਰੇ ਕੀਤੇ।