ਮੁੰਬਈ(ਬਿਊਰੋ)— ਜੰਮੂ-ਕਸ਼ਮੀਰ ਤੋਂ ਧਾਰਾ 370 ਹਟਾਏ ਜਾਣ ਤੋਂ ਬਾਅਦ ਹੀ ਪਾਕਿਸਤਾਨ ਬੌਖਲਾਇਆ ਹੋਇਆ ਹੈ। ਉਸ ਵੱਲੋਂ ਲਗਾਤਾਰ ਬਿਆਨਬਾਜ਼ੀ ਹੋ ਰਹੀ ਹੈ। ਭਾਰਤ ਖਿਲਾਫ ਅਕਸਰ ਵਿਵਾਦਿਤ ਟਿੱਪਣੀ ਕਰਨ ਵਾਲੀ ਪਾਕਿਸਤਾਨ ਅਦਾਕਾਰਾ ਵੀਨਾ ਮਲਿਕ ਨੇ ਕਸ਼ਮੀਰ ਨੂੰ ਲੈ ਕੇ ਇੰਸਟਾ 'ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ। ਜਿਸ 'ਚ ਉਹ ਪਾਕਿਸਤਾਨ ਜ਼ਿੰਦਾਬਾਦ ਅਤੇ ਕਸ਼ਮੀਰ ਬਣੇਗਾ ਪਾਕਿਸਤਾਨ ਦਾ ਨਾਅਰਾ ਲਗਾ ਰਹੀ ਹੈ। ਵੀਨਾ ਮਲਿਕ ਦਾ ਇਹ ਵੀਡੀਓ ਸਾਹਮਣੇ ਆਉਣ ਤੋਂ ਬਾਅਦ ਭਾਰਤੀ ਯੂਜ਼ਰਸ ਭੜਕ ਗਏ ਅਤੇ ਉਸ ਦੀ ਜੰਮ ਕੇ ਕਲਾਸ ਲਗਾਈ।
ਵੀਨਾ ਮਲਿਕ ਦੇ ਇਸ ਨਾਅਰੇ 'ਤੇ ਕੁਮੈਂਟ ਕਰਦੇ ਹੋਏ ਇਕ ਯੂਜ਼ਰਸ ਨੇ ਲਿਖਿਆ,''ਇਹ ਕਸ਼ਮੀਰ ਦੇ ਚੱਕਰ 'ਚ ਹਨ, ਜਦੋਂ ਕਿ ਹੁਣ ਤਾਂ ਲਾਹੌਰ ਵੀ ਲੈਣਾ ਹੈ।'' ਦੂਜੇ ਨੇ ਲਿਖਿਆ,''ਕਸ਼ਮੀਰ ਦੀ ਚਾਹਤ ਰੱਖੇਂਗੀ ਮੈਮ ਤਾਂ ਕਰਾਚੀ ਵੀ ਲੈ ਲੈਣਗੇ। ਆਖਿਰ ਹਿੰਦੂਸਤਾਨ ਤੋਂ ਹੀ ਤਾਂ ਪਾਕਿਸਤਾਨ ਪੈਦਾ ਹੋਇਆ। ਪੁੱਤਰ ਹੈ ਸਾਡਾ।'' ਇਕ ਸ਼ਖਸ ਨੇ ਲਿਖਿਆ,''ਜੰਗ ਤਾਂ ਜਿੱਤੀ ਨਹੀਂ ਜਾਂਦੀ ਇਨ੍ਹਾਂ ਤੋਂ ਅਤੇ ਕਸ਼ਮੀਰ ਦੀ ਗੱਲ ਕਰਦੇ ਹਨ।'' ਇਕ ਯੂਜ਼ਰ ਨੇ ਲਿਖਿਆ,''ਦੁੱਧ ਮੰਗੋਗੇ ਤਾਂ ਖੀਰ ਦੇਵਾਂਗੇ, ਕਸ਼ਮੀਰ ਮੰਗੋਗੇ ਤਾਂ ਚੀਰ ਦੇਵਾਂਗੇ।'' ਇਕ ਹੋਰ ਨੇ ਲਿਖਿਆ,''ਤੁਹਾਡਾ ਸੁਪਨਾ ਹਮੇਸ਼ਾ ਸੁਪਨਾ ਹੀ ਰਹੇਗਾ।''
ਦੱਸ ਦੇਈਏ ਕਿ ਇਸ ਤੋਂ ਪਹਿਲਾਂ ਵੀ ਵੀਨਾ ਮਲਿਕ ਭਾਰਤ ਨੂੰ ਲੈ ਕੇ ਟਿੱਪਣੀ ਕਰਨ 'ਤੇ ਟਰੋਲ ਹੁੰਦੀ ਰਹੀ ਹੈ। ਹਾਲ ਹੀ 'ਚ ਉਸ ਨੇ ਜੰਮੂ-ਕਸ਼ਮੀਰ ਤੋਂ ਧਾਰਾ 370 ਹੱਟਣ ਤੋਂ ਪਹਿਲਾਂ ਉੱਥੇ ਹੋ ਰਹੀਆਂ ਗਤੀਵਿਧੀਆਂ ਨੂੰ ਲੈ ਕੇ ਟਵੀਟ ਕੀਤਾ ਸੀ। ਵੀਨਾ ਨੇ ਭਾਰਤੀਆਂ 'ਤੇ ਨਿਸ਼ਾਨਾ ਵਿੰਨ੍ਹਦੇ ਹੋਏ ਕੁਮੈਂਟ ਲਿਖਿਆ ਸੀ,''To The Indian Brutality In Kashmir. #IndianarmyinKashmir #indianArmy.''। ਵੀਨਾ ਦੀ ਇਸ ਪੋਸਟ 'ਤੇ ਉਨ੍ਹਾਂ ਦੀ ਖੂਬ ਆਲੋਚਨਾ ਹੋਈ ਸੀ। ਬਾਲੀਵੁੱਡ ਅਦਾਕਾਰਾ ਪਾਇਲ ਰੋਹਤਗੀ ਨੇ ਵੀਨਾ ਮਲਿਕ ਨੂੰ ਭਿਖਾਰੀ ਤੱਕ ਕਹਿ ਦਿੱਤਾ ਸੀ।