ਮੁੰਬਈ (ਬਿਊਰੋ)— 'ਬਿੱਗ ਬੌਸ 11' ਰਾਹੀਂ ਲੋਕਾਂ ਦੇ ਦਿਲਾਂ 'ਤੇ ਰਾਜ਼ ਕਰਨ ਵਾਲੇ ਵਿਕਾਸ ਗੁਪਤਾ ਨੇ ਬੀਤੇ ਦਿਨ ਹੀ ਆਪਣਾ 30 ਵਾਂ ਜਨਮਦਿਨ ਮਨਾਇਆ ਹੈ। ਦੱਸ ਦੇਈਏ ਕਿ ਵਿਕਾਸ ਨੇ ਆਪਣੇ ਜਨਮਦਿਨ 'ਤੇ ਖੂਬ ਧਮਾਲ ਮਚਾਈ ਅਤੇ ਆਪਣੇ ਖਾਸ ਦੋਸਤਾਂ ਲਈ ਇਕ ਪਜ਼ਾਮਾ ਪਾਰਟੀ ਦਾ ਵੀ ਪ੍ਰਬੰਧ ਕੀਤਾ। ਇਸ ਪਾਰਟੀ ਵਿਚ ਟੀ. ਵੀ. ਦੀਆਂ ਕਈ ਮਸ਼ਹੂਰ ਹੱਸਤੀਆਂ ਨਜ਼ਰ ਆਈਆਂ।
ਇਸ ਪਾਰਟੀ 'ਚ ਅਦਾ ਖਾਨ, ਕਰਨਵੀਰ ਬੋਹਰਾ, ਜੈ ਭਾਨੂਸ਼ਾਲੀ, ਅਰਜੁਨ ਬਿਜਲਾਨੀ ਅਤੇ ਮਾਹੀ ਵਿਜ ਤੋਂ ਲੈ ਕੇ ਤਮਾਮ ਟੀ. ਵੀ. ਕਲਾਕਾਰਾਂ ਨੇ ਸ਼ਿਰਕਤ ਕੀਤੀ। ਸਾਰੇ ਇਸ ਪਾਰਟੀ 'ਚ ਨਾਈਟਵੀਅਰ ਸੂਟ 'ਚ ਦਿਖਾਈ ਦਿੱਤੇ। ਇਸ ਦੌਰਾਨ ਕਰਣਵੀਰ ਨੀਲੇ ਰੰਗ ਦੇ ਨਾਈਟਸੂਟ ਵਿਚ ਨਜ਼ਰ ਆਏ ਤਾਂ ਉੱਥੇ ਅਦਾ ਖਾਨ ਵਿਕਾਸ ਦੀ ਜਨਮਦਿਨ ਪਾਰਟੀ 'ਚ ਕਾਲੇ ਰੰਗ ਦਾ ਟਾਪ ਅਤੇ ਡੇਨਿਮ ਵਿਚ ਦਿਖੀ।
ਦੱਸ ਦੇਈਏ ਕਿ ਅਨੀਤਾ ਹਸਨੰਦਾਨੀ ਦੇ ਪਤੀ ਰੋਹਿਤ ਰੈੱਡੀ, ਸਿੱਧਾਂਤ ਸ਼ਰਮਾ, ਸ਼ੂਭਾਂਗੀ ਅਤਰੇ ਨੇ ਇਸ ਪਾਰਟੀ ਦੀ ਰੌਣਕ ਵਧਾਈ। ਦੱਸ ਦੇਈਏ ਕਿ ਵਿਕਾਸ ਗੁਪਤਾ ਟੀ. ਵੀ. ਦੇ ਮਸ਼ਹੂਰ ਨਿਰਮਾਤਾ ਹਨ। ਜਲਦ ਹੀ ਉਨ੍ਹਾਂ ਦਾ ਨਵਾਂ ਵੈੱਬ ਸੀਰੀਜ਼ 'ਪੰਚਬੀਟ' ਸ਼ੁਰੂ ਹੋਣ ਵਾਲਾ ਹੈ।
ਇਸ ਸੀਰੀਜ਼ ਵਿਚ ਪ੍ਰਿਆਂਕ ਸ਼ਰਮਾ ਅਤੇ ਰੋਹਿਤ ਸੂਚਾਂਤੀ ਮੁੱਖ ਭੂਮਿਕਾਵਾਂ 'ਚ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾਂ ਵਿਕਾਸ 'ਪਿਆਰ ਤੂਨੇ ਕਿਆ ਕੀਆ' ਅਤੇ 'ਕੈਸੀ ਯੇ ਯਾਰੀਆਂ' ਵਰਗੇ ਸ਼ੋਅਜ਼ ਦਾ ਨਿਰਮਾਣ ਕਰ ਚੁੱਕੇ ਹਨ।
