ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 13' ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਪਾਰਸ ਛਾਬੜਾ ਬਿਨਾਂ ਵਿਗ ਦੇ ਨਜ਼ਰ ਆ ਰਿਹਾ ਹੈ। ਇਸ ਵੀਡੀਓ ਨੂੰ ਦੇਖ ਕੇ ਸਵਾਲ ਉਠਦਾ ਹੈ ਕਿ ਕੀ ਪਾਰਸ ਛਾਬੜਾ ਆਪਣੀ ਵਿਗ ਪਾਉਣਾ ਭੁੱਲ ਗਏ ਹਨ? ਦੱਸ ਦਈਏ ਕਿ ਇਸ ਵੀਡੀਓ 'ਚ ਪਾਰਸ ਛਾਬੜਾ ਵਾਸ਼ਰੂਮ ਏਰੀਆ ਕੋਲ ਨਜ਼ਰ ਆ ਰਿਹਾ ਹੈ ਤੇ ਇਸ ਦੌਰਾਨ ਉਨ੍ਹਾਂ ਦੇ ਛੋਟੇ ਵਾਲ ਨਜ਼ਰ ਆ ਰਹੇ ਹਨ। ਬਿੱਗ ਬੌਸ 13 ਦੇ ਕੰਟੈਸਟੈਂਟ ਪਾਰਸ ਛਾਬੜਾ ਤੇ ਉਨ੍ਹਾਂ ਦੀ ਵਿਗ ਦਾ ਰਾਜ ਹਮੇਸ਼ਾ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣਿਆ ਰਹਿੰਦਾ ਹੈ।
ਕੁਝ ਸਮੇਂ ਪਹਿਲਾਂ ਇਕ ਕਲਿੱਪ ਵਾਇਰਲ ਹੋਈ ਸੀ, ਜਿਸ 'ਚ ਪਾਰਸ ਦੀ ਗਲਤੀ ਨਾਲ ਵਿਗ ਉਨ੍ਹਾਂ ਦੇ ਸਿਰ ਤੋਂ ਉਤਰ ਗਈ ਸੀ ਤੇ ਉਨ੍ਹਾਂ ਨੂੰ ਇਸ ਲਈ ਵੀ ਟਰੋਲ ਵੀ ਕੀਤਾ ਗਿਆ ਸੀ। ਸਪਾਟਬੁਆਏ ਨਾਲ ਗੱਲਬਾਤ 'ਚ ਉਨ੍ਹਾਂ ਦੇ ਇਕ ਦੋਸਤ ਨੇ ਸਵੀਕਾਰ ਕੀਤਾ ਸੀ ਕਿ ਪਾਰਸ ਛਾਬੜਾ ਦੇ ਵਾਲ ਸਮੇਂ ਤੋਂ ਪਹਿਲਾਂ ਝੜ ਰਹੇ ਹਨ ਤੇ ਉਹ ਇਸ ਦੇ ਚੱਲਦਿਆਂ ਵਿਗ ਪਾਉਂਦੇ ਹਨ। ਹੁਣ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ 'ਚ ਵਾਸ਼ਰੂਮ ਏਰੀਆ 'ਚ ਪਾਰਸ ਨੂੰ ਬਿਨਾ ਵਿਗ ਦੇ ਦੇਖਿਆ ਜਾ ਸਕਦਾ ਹੈ। ਕਲਿੱਪ 'ਚ ਪਾਰਸ ਛਾਬੜਾ ਨੂੰ ਵਾਸ਼ਰੂਮ ਤੋਂ ਬਾਹਰ ਨਿਕਲਦੇ ਹੋਇਆ ਦੇਖਿਆ ਜਾ ਸਕਦਾ ਹੈ ਤੇ ਉਹ ਮਾਹਿਰਾ ਨਾਲ ਗੱਲ ਕਰ ਰਹੇ ਸਨ।