ਮੁੰਬਈ(ਬਿਊਰੋ)- ਬਾਲੀਵੁੱਡ ਅਭਿਨੇਤਾ ਰਣਵੀਰ ਸਿੰਘ ਬਾਲੀਵੁੱਡ ਦੇ ਸਟਾਈਲ ਆਈਕਾਨ ਹਨ ਅਤੇ ਅਕਸਰ ਆਪਣੇ ਨਵੇਂ ਲੁੱਕ ਨਾਲ ਲੋਕਾਂ ਦਾ ਦਿਲ ਜਿੱਤ ਲੈਂਦੇ ਹਨ ਪਰ ਉਨ੍ਹਾਂ ਦਾ ਹਾਲ ‘ਚ ਵਾਇਰਲ ਹੋਇਆ ਲੁੱਕ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਮਹਿੰਦਰ ਸਿੰਘ ਧੋਨੀ ਦੀ ਬੇਟੀ ਜ਼ੀਵਾ ਕਰਕੇ ਚਰਚਾ ‘ਚ ਆਇਆ ਹੈ, ਉਹ ਵੀ ਉਦੋਂ ਜਦੋਂ ਰਣਵੀਰ ਸਿੰਘ ਦਾ ਚਸ਼ਮਾ ਜ਼ੀਵਾ ਕੋਲ ਪਹੁੰਚ ਗਿਆ। ਧੋਨੀ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਜ਼ੀਵਾ ਅਤੇ ਰਣਵੀਰ ਸਿੰਘ ਦੀ ਤਸਵੀਰ ਸਾਂਝੀ ਕਰਦੇ ਹੋਏ ਲਿਖਿਆ,”ਜ਼ੀਵਾ ਨੇ ਜਦੋਂ ਇਸ ਤਸਵੀਰ ਨੂੰ ਦੇਖਿਆ ਤਾਂ ਬੋਲੀ-‘ਉਹ ਮੇਰਾ ਚਸ਼ਮਾ ਕਿਉਂ ਪਹਿਨੇ ਹੋਏ ਹਨ ? ਉਹ ਉੱਪਰ ਗਈ ਅਤੇ ਚਸ਼ਮਾ ਲੱਭ ਲਿਆਈ। ਫਿਰ ਉਸ ਨੇ ਕਿਹਾ ਮੇਰਾ ਚਸ਼ਮਾ ਸਿਰਫ ਮੇਰਾ ਹੈ। ਅੱਜਕਲ ਦੇ ਬੱਚੇ ਬਿਲਕੁੱਲ ਅਲੱਗ ਹਨ। ਸਾਢੇ ਚਾਰ ਸਾਲ ਦੀ ਉਮਰ ‘ਚ ਉਹ ਆਪਣੀ ਚੀਜ਼ ਪਛਾਣ ਲੈਂਦੀ ਹੈ ਅਤੇ ਮੈਂ ਹੁਣ ਵੀ ਨਹੀਂ ਪਛਾਣ ਪਾਉਂਦਾ ਕਿ ਮੇਰੇ ਕੋਲ ਅਜਿਹਾ ਚਸ਼ਮਾ ਹੈ ਜਾਂ ਨਹੀਂ।”
ਇਸ ਤੋਂ ਅੱਗੇ ਧੋਨੀ ਨੇ ਲਿਖਿਆ,‘‘ਮੈਨੂੰ ਪਤਾ ਹੈ ਹੁਣ ਜਦੋਂ ਵੀ ਜ਼ੀਵਾ ਰਣਵੀਰ ਨੂੰ ਮਿਲੇਗੀ ਉਹ ਇਹ ਗੱਲ ਜ਼ਰੂਰ ਕਰੇਗੀ ਕਿ ਮੇਰੇ ਕੋਲ ਵੀ ਉਨ੍ਹਾਂ ਦੇ ਚਸ਼ਮੇ ਵਰਗਾ ਚਸ਼ਮਾ ਹੈ।’’ ਧੋਨੀ ਦੀ ਧੀ ਜ਼ੀਵਾ ਨੂੰ ਹੁਣ ਰਣਵੀਰ ਸਿੰਘ ਦੀ ਹੀ ਤਰ੍ਹਾਂ ਸੋਸ਼ਲ ਮੀਡੀਆ ‘ਤੇ ਸਟਾਈਲ ਆਈਕਾਨ ਕਿਹਾ ਜਾ ਰਿਹਾ ਹੈ।