ਮੁੰਬਈ (ਬਿਊਰੋ)— ਹਾਲੀਵੁੱਡ ਸਟਾਰ ਵਿਲ ਸਮਿੱਥ ਇਕ ਸੰਮੇਲਨ 'ਚ ਸ਼ਿਰਕਤ ਕਰਨ ਭਾਰਤ ਪਹੁੰਚੇ ਹਨ। ਖਬਰ ਹੈ ਕਿ ਵਿਲ ਸਮਿੱਥ ਨੇ ਕਰਨ ਜੌਹਰ ਦੀ ਪ੍ਰੋਡਕਸ਼ਨ ਹਾਊਸ ਦੀ ਫਿਲਮ 'ਸਟੂਡੈਂਟ ਆਫ ਦਿ ਈਅਰ 2' 'ਚ ਕੈਮਿਓ ਕੀਤਾ ਹੈ। ਹਾਲ ਹੀ 'ਚ ਵਿਲ ਸਮਿੱਥ ਨੂੰ ਸੁਪਨਿਆਂ ਦੀ ਨਗਰੀ ਮੁੰਬਈ ਦੀ ਸੈਰ ਆਟੋ ਰਿਕਸ਼ਾ 'ਚ ਕਰਦੇ ਦੇਖਿਆ ਗਿਆ। ਸਮਿੱਥ ਆਪਣੇ ਦੋਸਤ ਨਾਲ ਆਟੋ ਚਲਾਉਂਦੇ ਨਜ਼ਰ ਆਏ।
ਫਰਹਾਨ ਅਖਤਰ ਨਾਲ ਇਕ ਖਾਸ ਸੈਸ਼ਨ 'ਚ ਵਿਲ ਸਮਿੱਥ ਨੇ ਬਾਲੀਵੁੱਡ 'ਚ ਇਕ ਡਾਂਸ ਸੀਕਵੈਂਸ ਕਰਨ ਅਤੇ ਐਸ਼ਵਰਿਆ ਰਾਏ ਨਾਲ ਕੰਮ ਕਰਨ ਦੀ ਇੱਛਾ ਜ਼ਾਹਿਰ ਕੀਤੀ। ਇਸ ਤੋਂ ਪਹਿਲਾਂ ਜਦੋਂ ਵਿਲ ਭਾਰਤ ਆਏ ਸਨ ਤਾਂ ਅਕਸ਼ੈ ਨੇ ਕੁਝ ਸਾਲ ਪਹਿਲਾਂ ਆਪਣੇ ਘਰ 'ਚ ਪਾਰਟੀ ਰੱਖੀ ਸੀ। ਵਿਲ ਨੇ ਕਰਨ ਜੌਹਰ ਦੇ ਟਾਕ ਸ਼ੋਅ 'ਕੌਫੀ ਵਿਦ ਕਰਨ' 'ਚ ਸ਼ਿਰਕਤ ਕੀਤੀ। ਉਹ ਰਣਵੀਰ ਸਿੰਘ ਅਤੇ ਅਕਸ਼ੈ ਕੁਮਾਰ ਵਾਲੇ ਸੈਸ਼ਨ 'ਚ ਨਜ਼ਰ ਆਉਣਗੇ।