ਮੁੰਬਈ(ਬਿਊਰੋ)- ਫਿਲਮ ਕੇ.ਜੀ.ਐੱਫ. ਨਾਲ ਆਪਣੀ ਜ਼ਬਰਦਸਤ ਪਛਾਣ ਬਣਾਉਣ ਵਾਲੇ ਕੰਨੜ ਐਕਟਰ ਯਸ਼ ਨੇ ਬੀਤੇ ਦਿਨ ਆਪਣਾ ਜਨਮਦਿਨ ਧੂਮਧਾਮ ਨਾਲ ਮਨਾਇਆ। ਬੀਤੇ ਸਾਲ ਇਕ ਪ੍ਰਸ਼ੰਸਕ ਦੀ ਆਤਮਹੱਤਿਆ ਕਰਨ ਕਾਰਣ ਯਸ਼ ਨੇ ਆਪਣਾ ਜਨਮਦਿਨ ਨਹੀਂ ਮਨਾਇਆ ਸੀ। ਉਸ ਦੀ ਕਮੀ ਯਸ਼ ਦੇ ਫੈਨਜ਼ ਨੇ ਇਸ ਵਾਰ ਰਿਕਾਰਡ ਉਚਾਈ ਦਾ ਕੱਟਆਊਟ ਅਤੇ ਕੇਕ ਕੱਟ ਕੇ ਪੂਰੀ ਕੀਤੀ।
ਯਸ਼ ਦੇ ਜਨਮਦਿਨ ਦੇ ਜਸ਼ਨ ਵਿਚ ਸ਼ਾਮਿਲ ਹੋਏ ਲੋਕਾਂ ਨੇ ਦੱਸਿਆ ਕਿ ਇਸ ਵਾਰ ਇਸ ਜਲਸੇ ਵਿਚ ਵਿਸ਼ਵ ਰਿਕਾਰਡ ਬਣਿਆ ਹੈ। ਇਹ ਵਿਸ਼ਵ ਰਿਕਾਰਡ ਹੈ 216 ਫੁੱਟ ਉੱਚਾ ਕੱਟਆਊਟ ਦਾ। ਇਹੀ ਨਹੀਂ ਪ੍ਰਸ਼ੰਸਕਾਂ ਨੇ ਇਸ ਦੌਰਾਨ ਉਨ੍ਹਾਂ ਦਾ 50 ਕੁਇੰਟਲ ਭਾਰ ਦਾ ਕੇਕ ਵੀ ਕੱਟਿਆ।
ਪਿਛਲੇ ਇਕ ਦਹਾਕੇ ਤੋਂ ਯਸ਼ ਆਪਣੇ ਪ੍ਰਸ਼ੰਸਕਾਂ ਦੇ ਨਾਲ ਹੀ ਆਪਣਾ ਜਨਮਦਿਨ ਮਨਾਉਂਦੇ ਆ ਰਹੇ ਹਨ। ਆਪਣੇ ਪਸੰਦੀਦਾ ਸੁਪਰਸਟਾਰ ਦੀ ਝਲਕ ਪਾਉਣ ਲਈ ਹਜ਼ਾਰਾਂ ਦੀ ਗਿਣਤੀ ਵਿਚ ਪ੍ਰਸ਼ੰਸਕ ਉਨ੍ਹਾਂ ਦੇ ਘਰ ਦੇ ਆਲੇ-ਦੁਆਲੇ ਇਕੱਠਾ ਹੁੰਦੇ ਹਨ।