ਮੁੰਬਈ (ਬਿਊਰੋ)— 'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ' 'ਚ ਇਨ੍ਹੀਂ ਦਿਨੀਂ ਆ ਰਹੇ ਦਿਲਚਸਪ ਟਵਿਸਟ ਨੂੰ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤੇ ਜਾ ਰਿਹਾ ਹੈ, ਜਿੱਥੇ ਨਕਸ਼ ਅਤੇ ਕੀਰਤੀ ਦੇ ਵਿਆਹ ਨੇ ਖੂਬ ਸੁਰਖੀਆਂ ਬਟੌਰੀਆਂ ਹਨ, ਉੱਥੇ ਹੀ ਨਾਇਰਾ (ਸ਼ਿਵਾਂਗੀ ਜੋਸ਼ੀ) ਅਤੇ ਕਾਰਤਿਕ (ਮੋਹਸਿਨ ਖਾਨ) ਦੋਵਾਂ ਵਿਚਕਾਰ ਦੀਆਂ ਸਭ ਗਲਤ ਫਹਿਮੀਆਂ ਦੂਰ ਹੋ ਚੁੱਕੀਆਂ ਹਨ।
ਤੁਸੀਂ ਦੇਖ ਸਕਦੇ ਹੋ ਕਾਰਤਿਕ, ਨਾਇਰਾ ਦੀ ਖੁਸ਼ੀ ਲਈ ਕੁਝ ਵੀ ਕਰਨ ਨੂੰ ਤਿਆਰ ਹੈ ਅਤੇ ਨਾਇਰਾ ਦੇ ਜਨਮਦਿਨ ਨੂੰ ਖਾਸ ਬਣਾਉਣ ਲਈ ਨਾ ਸਿਰਫ ਕਾਰਤਿਕ ਬਲਕਿ ਦਾਦੀ ਨੇ ਵੀ ਖੂਬ ਤਿਆਰੀਆਂ ਕੀਤੀਆਂ ਹਨ ਪਰ ਇਨ੍ਹਾਂ ਦੀਆਂ ਖੁਸ਼ੀਆਂ ਦੇ ਰੰਗ 'ਚ ਭੰਗ ਪੈ ਗਿਆ।
ਦੱਸਣਯੋਗ ਹੈ ਕਿ ਇਸ ਸ਼ੋਅ 'ਚ ਇਕ ਨਵਾਂ ਮੋੜ ਆਉਣ ਵਾਲਾ ਹੈ। ਆਉਣ ਵਾਲੇ ਐਪੀਸੋਡ 'ਚ ਤੁਸੀਂ ਦੇਖੋਗੇ ਕਿ ਕੀਰਤੀ ਅਤੇ ਨਕਸ਼ ਕਿਵੇਂ ਆਪਣੇ ਹਨੀਮੂਨ ਦੀਆਂ ਤਿਆਰੀਆਂ 'ਚ ਰੁੱਝ ਜਾਂਦੇ ਹਨ ਅਤੇ ਉਨ੍ਹਾਂ ਨਾਲ ਕਾਰਤਿਕ ਅਤੇ ਨਾਇਰਾ ਵੀ ਇਸ ਟ੍ਰਿਪ 'ਤੇ ਜਾਣ ਦਾ ਫੈਸਲਾ ਕਰਨਗੇ। ਦੱਸ ਦੇਈਏ ਇਸ ਟਰੈਕ ਦੀ ਸ਼ੂਟਿੰਗ ਗ੍ਰੀਸ 'ਚ ਹੋਵੇਗੀ ਅਤੇ ਮੋਹਸਿਨ ਖਾਨ ਨਾਲ ਸ਼ਿਵਾਂਗੀ ਜੋਸ਼ੀ ਗ੍ਰੀਸ ਪਹੁੰਚ ਚੁੱਕੀ ਹੈ।
ਗ੍ਰੀਸ ਪਹੁੰਚਦੇ ਹੀ ਮੋਹਸਿਨ ਅਤੇ ਸ਼ਿਵਾਂਗੀ ਨੇ ਕਈ ਤਸਵੀਰਾਂ ਕਲਿਕ ਕੀਤੀਆਂ ਹਨ ਜੋ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਸ਼ਿਵਾਂਗੀ ਅਤੇ ਮੋਹਸਿਨ ਦੀ ਜ਼ਬਰਦਸਤ ਕੈਮਿਸਟਰੀ ਦੇਖਣ ਨੂੰ ਮਿਲ ਰਹੀ ਹੈ।