ਜਲੰਧਰ (ਬਿਊਰੋ)— ਲੋਕ ਗੀਤ, ਕਲੀਆਂ ਤੇ 'ਮਾਂ ਹੁੰਦੀ ਏ ਮਾਂ' ਵਰਗੇ ਸਦਾ ਬਹਾਰ ਗੀਤਾਂ ਨਾਲ ਦਰਸ਼ਕਾਂ ਦਾ ਦਿਲ ਟੁੰਬਣ ਵਾਲੇ ਨਾਮੀ ਗਾਇਕ ਕੁਲਦੀਪ ਮਾਣਕ ਦੇ ਲਾਡਲੇ ਪੁੱਤਰ ਯੁਧਵੀਰ ਮਾਣਕ ਦਾ ਜਨਮਦਿਨ ਹੈ। ਯੁਧਵੀਰ ਮਾਣਕ ਦਾ ਜਨਮ 2 ਸਤੰਬਰ ਨੂੰ ਹੋਇਆ ਸੀ।
ਦੱਸ ਦੇਈਏ ਕਿ ਯੁਧਵੀਰ ਮਾਣਕ ਪੇਸ਼ੇ ਤੋਂ ਇਕ ਗਾਇਕ ਹੈ।
ਉਨ੍ਹਾਂ ਨੇ ਵੀ ਆਪਣੇ ਪਿਤਾ ਵਾਂਗ ਹੀ ਗਾਇਕੀ 'ਚ ਆਪਣਾ ਕਰੀਅਰ ਬਣਾਇਆ ਹੈ।
ਹਾਲ ਹੀ 'ਚ ਨਾਮੀ ਗਾਇਕ ਤੇ ਅਦਾਕਾਰ ਗਿੱਪੀ ਗਰੇਵਾਲ ਨੇ ਆਪਣੇ ਆਫੀਸ਼ੀਅਲ ਅਕਾਊਂਟ ਤੋਂ ਯੁਧਵੀਰ ਮਾਣਕ ਦੀ ਇਕ ਤਸਵੀਰ ਸ਼ੇਅਰ ਕਰਕੇ ਉਸ ਨੂੰ ਜਨਮਦਿਨ ਦੀ ਵਧਾਈ ਦਿੱਤੀ।
ਦੱਸਣਯੋਗ ਹੈ ਕਿ ਕੁਲਦੀਪ ਮਾਣਕ ਦੀ ਸਿਹਤ ਵਿਗੜਨ ਤੋਂ ਬਾਅਦ ਅਚਾਨਕ ਹੀ ਯੁਧਵੀਰ ਮਾਣਕ ਦੀ ਸਿਹਤ ਵੀ ਕਾਫੀ ਖਰਾਬ ਹੋ ਗਈ ਸੀ। ਇਸ ਤੋਂ ਬਾਅਦ ਕੁਲਦੀਪ ਮਾਣਕ ਦੀ ਪਤਨੀ ਸਰਬਜੀਤ ਕੌਰ ਨੇ ਸਰੋਤਿਆਂ ਨੂੰ ਅਪੀਲ ਕੀਤੀ ਸੀ ਕਿ ਯੁਧਵੀਰ ਦੇ ਸਿਹਤਮੰਦ ਹੋਣ ਦੀਆਂ ਦੁਆਵਾਂ ਕਰੋ।