FacebookTwitterg+Mail

ਛੇਤੀ ਹੋਵੇਗਾ ਯੁਧਵੀਰ ਮਾਣਕ ਦਾ ਪਤਨੀ ਜੈਸਮੀਨ ਨਾਲ ਤਲਾਕ

yudhvir manak divorce
28 August, 2019 08:47:16 PM

ਮੋਹਾਲੀ, (ਕੁਲਦੀਪ) : ਪ੍ਰਸਿੱਧ ਪੰਜਾਬੀ ਗਾਇਕ ਕੁਲਦੀਪ ਮਾਣਕ ਦੇ ਬੇਟੇ ਯੁਧਵੀਰ ਮਾਣਕ ਨੂੰ ਆਪਣੀ ਪਤਨੀ ਤੋਂ ਛੇਤੀ ਤਲਾਕ ਮਿਲਣ ਦੀ ਉਮੀਦ ਬਣ ਗਈ ਹੈ। ਮਤਲਬ ਇਹ ਕਿ ਇਸ ਤੋਂ ਪਹਿਲਾਂ ਉਸ ਦੀ ਪਤਨੀ ਜੈਸਮੀਨ ਕੌਰ ਨੇ ਮੋਹਾਲੀ ਅਦਾਲਤ 'ਚ ਇਕ ਪਾਸਡ਼ ਤਲਾਕ ਦੀ ਪਟੀਸ਼ਨ ਦਰਜ ਕੀਤੀ ਹੋਈ ਸੀ, ਜਿਸ ਨੂੰ ਹੁਣ ਉਹ ਵਾਪਸ ਲੈਣ ਜਾ ਰਹੀ ਹੈ। ਉਸ ਤੋਂ ਬਾਅਦ ਦੋਵਾਂ ਦੇ ਸਾਂਝੇ ਤਲਾਕ 'ਤੇ ਅਦਾਲਤ ਆਪਣਾ ਫੈਸਲਾ ਸੁਣਾਏਗੀ।

ਜਾਣਕਾਰੀ ਮੁਤਾਬਕ ਯੁਧਵੀਰ ਮਾਣਕ ਤੇ ਉਸ ਦੀ ਪਤਨੀ ਜੈਸਮੀਨ ਕੌਰ ਨੇ ਆਪਣੀ ਸਹਿਮਤੀ ਨਾਲ ਆਪਣੇ ਵਕੀਲਾਂ ਰਾਹੀਂ ਜ਼ਿਲਾ ਅਦਾਲਤ 'ਚ ਤਲਾਕ ਦੀ ਪਟੀਸ਼ਨ ਦਰਜ ਕੀਤੀ। ਇਹ ਪਟੀਸ਼ਨ ਯੁਧਵੀਰ ਦੀ ਮਾਤਾ ਸਰਬਜੀਤ ਕੌਰ ਨੇ ਅਦਾਲਤ ਵਿਚ ਦਰਜ ਕੀਤੀ ਹੋਈ ਸੀ। ਮਾਤਾ ਵਲੋਂ ਪਟੀਸ਼ਨ ਦਰਜ ਕਰਨ ਦਾ ਕਾਰਨ ਇਹ ਸੀ ਕਿ ਯੁਧਵੀਰ ਕਾਫੀ ਸਮੇਂ ਤੋਂ ਮਾਨਸਿਕ ਤੌਰ ' ਬੀਮਾਰ ਚੱਲ ਰਿਹਾ ਸੀ ਤੇ ਉਸ ਦੀ ਦੇਖਭਾਲ ਉਸ ਦੀ ਮਾਤਾ ਹੀ ਕਰਦੀ ਆ ਰਹੀ ਹੈ। ਮਾਤਾ ਵਲੋਂ ਦਰਜ ਕੀਤੀ ਗਈ ਪਟੀਸ਼ਨ 'ਤੇ 5 ਸਤੰਬਰ ਨੂੰ ਫੈਸਲਾ ਲਏ ਜਾਣ ਦੀ ਸੰਭਾਵਨਾ ਹੈ, ਜਿਸ ਤੋਂ ਬਾਅਦ ਪਤੀ-ਪਤਨੀ ਦੀ ਤਲਾਕ ਪਟੀਸ਼ਨ 'ਤੇ ਵੀ ਫੈਸਲਾ ਛੇਤੀ ਹੋ ਸਕਦਾ ਹੈ ਤੇ ਤਲਾਕ ਮਿਲਣ 'ਚ ਅਸਾਨੀ ਹੋਵੇਗੀ।


Tags: Yudhvir ManakWifeJasmine KaurKuldeep Manak

About The Author

Rahul Singh

Rahul Singh is content editor at Punjab Kesari