ਮੁੰਬਈ (ਬਿਊਰੋ)— 'ਬਿੱਗ ਬੌਸ' ਕਪਲ ਪ੍ਰਿੰਸ ਨਰੂਲਾ ਤੇ ਯੁਵਿਕਾ ਚੌਧਰੀ ਇਕ-ਦੂਜੇ ਦੇ ਹੋ ਚੁੱਕੇ ਹਨ। ਦੋਵੇਂ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕੇ ਹਨ। ਇਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਨੇ ਸੋਸ਼ਲ ਮੀਡੀਆ 'ਤੇ ਹਾਲੇ ਵੀ ਕਾਫੀ ਧੂਮ ਮਚਾ ਰੱਖੀ ਹੈ।
ਵਿਆਹ ਦੌਰਾਨ ਇਹ ਜੋੜੀ ਕਾਫੀ ਰੋਮਾਂਟਿਕ ਦਿਖਾਈ ਦਿੱਤੀ ਸੀ। ਇਨ੍ਹਾਂ ਨੇ ਹਾਲ ਹੀ 'ਚ ਚੰਡੀਗੜ੍ਹ 'ਚ ਗ੍ਰੈਂਡ ਰਿਸੈਪਸ਼ਨ ਪਾਰਟੀ ਰੱਖੀ, ਜਿਸ 'ਚ ਮਸ਼ਹੂਰ ਸਿਤਾਰੇ ਦਿਖਾਈ ਦਿੱਤੇ।
ਉੱਥੇ ਅਜਿਹੀਆਂ ਖਬਰਾਂ ਵੀ ਹਨ ਕਿ ਹੁਣ ਇਹ ਦੋਵੇਂ ਹਨੀਮੂਨ ਲਈ ਮਾਲਦੀਵ ਲਈ ਰਵਾਨਾ ਹੋਏ ਹਨ। ਆਪਣੀ ਰਿਸੈਪਸ਼ਨ ਪਾਰਟੀ 'ਚ ਯੁਵਿਕਾ ਨੇ ਸਿਲਵਰ ਕਲਰ ਦੀ ਸ਼ਿਮਲੀ ਗਾਊਨ ਪਾਇਆ ਹੋਇਆ ਸੀ।
ਇਸ ਡਰੈੱਸ 'ਚ ਯੁਵਿਕਾ ਕਿਸੇ ਰਾਜਕੁਮਾਰੀ ਤੋਂ ਘੱਟ ਨਹੀਂ ਲੱਗ ਰਹੀ ਸੀ। ਇਕ ਇੰਟਰਵਿਊ 'ਚ ਯੁਵਿਕਾ ਨੇ ਦੱਸਿਆ ਕਿ ਉਨ੍ਹਾਂ ਦੀ ਇਸ ਡਰੈੱਸ ਨੂੰ ਬਣਨ 'ਚ 8 ਮਹੀਨੇ ਲੱਗੇ ਸਨ।
40 ਕਾਰੀਗਰਾਂ ਨੇ ਮਿਲ ਕੇ ਇਸ ਡਰੈੱਸ ਨੂੰ ਬਣਾਇਆ ਸੀ। ਉੱਥੇ ਪ੍ਰਿੰਸ ਨੇ ਬਲਿਊ ਕਲਰ ਦੀ ਡਰੈੱਸ ਪਹਿਨੀ ਸੀ।
ਦੱਸ ਦੇਈਏ ਕਿ 'ਬਿੱਗ ਬੌਸ 9' ਦੇ ਜੇਤੂ ਰਹਿ ਚੁੱਕੇ ਪ੍ਰਿੰਸ ਨਰੂਲਾ 'ਰੋਡੀਜ਼', 'ਬੜੋ ਬਹੂ' ਅਤੇ 'ਨਾਗਿਨ' ਵਰਗੇ ਸੀਰੀਅਲਾਂ ਤੇ ਰਿਐਲਿਟੀ ਸ਼ੋਅਜ਼ 'ਚ ਨਜ਼ਰ ਆ ਚੁੱਕੇ ਹਨ।
ਦੂਜੇ ਪਾਸੇ ਯੁਵਿਕਾ ਚੌਧਰੀ 'ਓਮ ਸ਼ਾਂਤੀ ਓਮ' ਫਿਲਮ ਤੋਂ ਇਲਾਵਾ ਕਈ ਪੰਜਾਬੀ ਫਿਲਮਾਂ ਤੇ ਗੀਤਾਂ 'ਚ ਦਿਸ ਚੁੱਕੀ ਹੈ।