ਜਲੰਧਰ (ਬਿਊਰੋ) : ਪਾਲੀਵੁੱਡ ਐਕਟਰ ਯੁਵਰਾਜ ਹੰਸ ਦੇ ਵਿਆਹ ਦੇ ਚਰਚੇ ਕਾਫੀ ਲੰਬੇ ਸਮੇਂ ਤੋਂ ਛਿੜੇ ਹੋਏ ਹਨ। ਯੁਵਰਾਜ ਹੰਸ ਤੇ ਮਾਨਸੀ ਸ਼ਰਮਾ ਦੇ ਵਿਆਹ ਦੀਆਂ ਰੌਣਕਾਂ ਦੀਆਂ ਕਈ ਵੀਡੀਓਜ਼ ਵੀ ਪਿਛਲੇ ਦਿਨੀਂ ਵਾਇਰਲ ਹੋਈਆਂ ਹਨ। ਮਾਨਸੀ ਅਤੇ ਯੁਵਰਾਜ ਦੀ ਮੰਗਣੀ ਪਿਛਲੇ ਸਾਲ ਹੋ ਚੁੱਕੀ ਸੀ ਅਤੇ ਦੋਵੇਂ ਕਾਫੀ ਲੰਬੇ ਸਮੇਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ ਪਰ ਹੁਣ ਸਮਾਂ ਦੋਵਾਂ ਦੇ ਵਿਆਹ ਦਾ ਆ ਚੁੱਕਿਆ ਹੈ। ਜੀ ਹਾਂ ਯੁਵਰਾਜ ਹੰਸ ਦੇ ਵਟਣਾ ਲੱਗ ਚੁੱਕਿਆ ਹੈ ਅਤੇ 17 ਫਰਵਰੀ ਤੋਂ ਤਿੰਨ ਦਿਨ ਬਾਅਦ ਯੁਵਰਾਜ ਹੰਸ ਅਤੇ ਮਾਨਸੀ ਸ਼ਰਮਾ ਵਿਆਹ ਦੇ ਬੰਧਨ 'ਚ ਬੱਝ ਜਾਣਗੇ। ਵਟਣੇ ਦੀ ਰਸਮ ਦਾ ਵੀਡੀਓ ਯੁਵਰਾਜ ਹੰਸ ਦੇ ਭਰਾ ਨਵਰਾਜ ਹੰਸ ਵੱਲੋਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤਾ ਗਿਆ ਹੈ।
ਦੱਸ ਦਈਏ ਕਿ ਨਵਰਾਜ ਹੰਸ ਨੇ ਬੜੀ ਹੀ ਪਿਆਰੀ ਕੈਪਸ਼ਨ ਆਪਣੇ ਭਰਾ ਲਈ ਲਿਖੀ ਹੈ, ਉਸ ਦਾ ਕਹਿਣਾ ਹੈ, ''ਮੇਰੀ ਜਾਨ ਦੇ ਵਟਣਾ ਲੱਗ ਗਿਆ...3 ਦਿਨ ਬਾਅਦ ਵਿਆਹ ਹੋਵੇਗਾ...ਲਵ ਯੂ ਮੇਰੀ ਬੁਗੜੀ ਯੁੱਗੀ ਬੁੱਗੀ।'' ਦੱਸ ਦਈਏ ਕਿ ਯੁਵਰਾਜ ਹੰਸ ਖੁਦ ਵੀ ਗਾਇਕ ਹਨ। ਗਾਇਕੀ ਦੇ ਨਾਲ-ਨਾਲ ਉਹ ਅਦਾਕਾਰੀ 'ਚ ਵੀ ਨਾਮਣਾ ਖੱਟ ਚੁੱਕੇ ਹਨ। ਯੁਵਰਾਜ ਹੰਸ ਪਾਲੀਵੁੱਡ ਦੀਆਂ ਕਈ ਫਿਲਮਾਂ 'ਚ ਕੰਮ ਕਰ ਚੁੱਕੇ ਹਨ।