ਜਲੰਧਰ (ਸੋਨੂੰ ਮਹਾਜਨ) : ਇੰਨ੍ਹੀਂ ਦਿਨੀਂ ਪੰਜਾਬੀ ਤੇ ਬਾਲੀਵੁੱਡ ਫਿਲਮ ਇੰਡਸਟਰੀ 'ਚ ਵਿਆਹ ਦਾ ਸੀਜ਼ਨ ਚੱਲ ਰਿਹਾ ਹੈ। ਨਿੰਜਾ ਤੇ ਅਲਫਾਜ਼ ਤੋਂ ਬਾਅਦ ਮਸ਼ਹੂਰ ਗਾਇਕ ਹੰਸ ਰਾਜ ਹੰਸ ਦਾ ਬੇਟਾ ਯੁਵਰਾਜ ਹੰਸ ਵੀ ਵਿਆਹ ਦੇ ਬੰਧਨ 'ਚ ਬੱਝ ਚੁੱਕਾ ਹੈ।
ਜੀ ਹਾਂ, ਹਾਲ ਹੀ 'ਚ ਉਨ੍ਹਾਂ ਦੀ ਰਿਸੈਪਸ਼ਨ ਪਾਰਟੀ ਦੀਆਂ ਕੁਝ ਤਸਵੀਰਾਂ ਤੇ ਵੀਡੀਓਜ਼ ਸਾਹਮਣੇ ਆਈਆਂ ਹਨ। ਇਸ ਰਿਸੈਪਸ਼ਨ ਪਾਰਟੀ 'ਚ ਯੁਵਰਾਜ ਹੰਸ ਦੇ ਚਿਹਰੇ 'ਤੇ ਵਿਆਹ ਦਾ ਨੂਰ ਸਾਫ ਨਜ਼ਰ ਆ ਰਿਹਾ ਸੀ, ਉਥੇ ਹੀ ਪਿਤਾ ਹੰਸ ਰਾਜ ਹੰਸ ਤੇ ਭਰਾ ਨਵਰਾਜ ਹੰਸ ਵੀ ਕਾਫੀ ਖੁਸ਼ ਨਜ਼ਰ ਆ ਰਹੇ ਸਨ।
ਇਸ ਪਾਰਟੀ 'ਚ ਮਾਸਟਰ ਸਲੀਮ, ਗਗਨ ਕੋਕਰੀ, ਹਰੀਸ਼ ਵਰਮਾ ਤੇ ਬੀਨੂੰ ਢਿੱਲੋਂ ਪਹੁੰਚੇ ਸਨ। ਦੱਸ ਦਈਏ ਕਿ ਰਿਸੈਪਸ਼ਨ ਪਾਰਟੀ ਲਈ ਸਜਾਵਟ ਕਾਫੀ ਖਾਸ ਅੰਦਾਜ਼ 'ਚ ਕੀਤੀ ਗਈ, ਜੋ ਦੇਖਣ 'ਚ ਕਾਫੀ ਅਕਰਸ਼ਿਤ ਲੱਗ ਰਹੀ ਸੀ।
ਦੱਸਣਯੋਗ ਹੈ ਕਿ ਯੁਵਰਾਜ ਹੰਸ ਦੀ ਪਤਨੀ ਮਾਨਸੀ ਸ਼ਰਮਾ ਟੀ. ਵੀ. ਐਂਕਰ ਹੈ। ਇਸ ਤੋਂ ਇਲਾਵਾ ਮਾਨਸ਼ੀ 'ਦੇਵੋਂ ਕੇ ਦੇਵ ਮਹਾਦੇਵ', 'ਉਤਰਨ', 'ਪਵਿੱਤਰ ਰਿਸ਼ਤਾ' ਵਰਗੇ ਸੀਰੀਅਲਸ 'ਚ ਵੀ ਨਜ਼ਰ ਆ ਚੁੱਕੀ ਹੈ।
ਕਰੀਬ ਦੋ ਸਾਲ ਪਹਿਲਾ ਇਕ ਪ੍ਰੋਗਰਾਮ ਤੋਂ ਸ਼ੁਰੂ ਹੋਈ ਇਨ੍ਹਾਂ ਦੀ ਲਵ ਸਟੋਰੀ ਨੂੰ ਹਮੇਸ਼ਾ ਲਈ ਇਕ-ਦੂਜੇ ਦਾ ਸਾਥ ਮਿਲ ਗਿਆ।
