ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਜ਼ਰੀਨ ਖਾਨ ਦਾ ਮੰਨਣਾ ਹੈ ਕਿ ਭਾਰਤ 'ਚ ਮੋਟੇ ਮਾਡਲਾਂ ਨੂੰ ਪਛਾਣ ਬਣਾਉਣ 'ਚ ਕਾਫੀ ਸਮਾਂ ਲੱਗ ਜਾਂਦਾ ਹੈ। ਖੁਦ ਜ਼ਰੀਨ ਦਾ ਇਕ ਸਮੇਂ 'ਚ 100 ਕਿਲੋ ਵਜ਼ਨ ਹੁੰਦਾ ਸੀ।
ਜ਼ਰੀਨ ਹਾਲ ਹੀ 'ਚ ਫੈਸ਼ਨ ਡਿਜ਼ਾਈਨਰ ਨਰਿੰਦਰ ਕੁਮਾਰ ਨਾਲ ਆਉਣ ਵਾਲੇ 'ਲੈਕਮੇ ਫੈਸ਼ਨ ਵੀਕ 2018' ਲਈ ਮੋਟੇ ਮਾਡਲਾਂ ਦੀ ਚੋਣ ਲਈ ਹੋਏ ਆਡੀਸ਼ਨ ਦੀ ਜੱਜਮੈਂਟ ਟੀਮ 'ਚ ਸ਼ਾਮਲ ਸੀ।
ਉਨ੍ਹਾਂ ਨੇ ਕਿਹਾ ਕਿ ਇਹ ਕਾਫੀ ਚੰਗਾ ਤਜਰਬਾ ਰਿਹਾ ਅਤੇ ਆਡੀਸ਼ਨ ਰਾਊਂਡ ਦੇਖ ਕੇ ਉਹ ਕਾਫੀ ਹੈਰਾਨ ਤੇ ਖੁਸ਼ ਸੀ, ਕਿਉਂਕਿ ਸਕੂਲ ਤੇ ਕਾਲਜ ਦੇ ਦਿਨਾਂ 'ਚ ਉਨ੍ਹਾਂ ਦਾ ਵਜ਼ਨ 100 ਕਿਲੋ ਤੋਂ ਵੀ ਵੱਧ ਹੁੰਦਾ ਸੀ।
ਉਨ੍ਹਾਂ ਨੇ ਦੱਸਿਆ, ''ਜਦੋਂ ਮੈਂ ਆਪਣੇ ਲਈ ਕੱਪੜੇ ਖਰੀਦਣ ਜਾਂਦੀ ਸੀ ਤਾਂ ਮੇਰੇ ਕੋਲ ਜ਼ਿਆਦਾ ਬਦਲ ਨਹੀਂ ਹੁੰਦੇ ਸਨ ਕਿਉਂਕਿ ਪਲੱਸ ਸਾਈਜ਼ ਦੇ ਲੋਕ ਘੱਟ ਹੀ ਹੁੰਦੇ ਹਨ।
ਭਾਰਤ 'ਚ ਮੋਟੇ ਲੋਕਾਂ ਨੂੰ ਪਛਾਣ ਬਣਾਉਣ 'ਚ ਬਹੁਤ ਸਮਾਂ ਲੱਗਦਾ ਹੈ, ਕਿਉਂਕਿ ਫਿੱਟ ਦਿਸਣ ਵਾਲੇ ਮਾਡਲਾਂ ਦੇ ਮੁਕਾਬਲੇ ਮੋਟੇ ਮਾਡਲਾਂ 'ਚ ਆਤਮ-ਵਿਸ਼ਵਾਸ ਤੇ ਉਤਸ਼ਾਹ ਦੀ ਕਮੀ ਹੁੰਦੀ ਹੈ।''
ਉਨ੍ਹਾਂ ਅੱਗੇ ਦੱਸਿਆ, ''ਮੈਂ ਟ੍ਰੈਂਡਸ ਅਤੇ ਫੈਸ਼ਨ ਦੀ ਪਰਵਾਹ ਨਹੀਂ ਕਰਦੀ। ਮੈਂ ਉਹੀ ਪਾਉਂਦੀ ਹਾਂ, ਜਿਸ 'ਚ ਮੈਨੂੰ ਸੌਖ ਮਹਿਸੂਸ ਹੋਵੇ।''