ਮੁੰਬਈ(ਬਿਊਰੋ)— ਹਾਲੀਵੁੱਡ ਅਦਾਕਾਰਾ ਐਂਜਲੀਨਾ ਜੌਲੀ ਦੇ ਦੁਨੀਆ 'ਚ ਕਰੋੜਾਂ ਪ੍ਰਸ਼ੰਸਕ ਹਨ ਪਰ ਕੀ ਤੁਸੀਂ ਇਸ ਗੱਲ ਦਾ ਯਕੀਨ ਕਰ ਪਾਓਗੇ ਕਿ ਉਨ੍ਹਾਂ ਦੀ ਇਕ ਈਰਾਨੀ ਫੈਨ ਨੇ ਆਪਣੀ ਚਹੇਤੀ ਅਦਾਕਾਰਾ ਵਾਂਗ ਦਿਖਣ ਲਈ 50 ਵਾਰ ਚਿਹਰੇ ਦੀ ਸਰਜਰੀ ਕਰਾਈ ਹੈ।
ਹੋ ਗਏ ਨਾ ਹੈਰਾਨ ਪਰ ਇਹ ਸੱਚ ਹੈ। ਈਰਾਨ ਦੀ 19 ਸਾਲਾ ਸਹਿਰ ਤਾਬਰ ਉਸ ਸਮੇਂ ਲਾਈਮਲਾਈਟ 'ਚ ਆਈ ਜਦੋਂ ਉਨ੍ਹਾਂ ਦੇ ਐਂਜਲੀਨਾ ਜੌਲੀ ਵਾਂਗ ਦਿਖਣ ਦੀ ਚਾਹਤ 'ਚ 50 ਸਰਜਰੀਆਂ ਕਰਾਉਣ ਦੀ ਖਬਰ ਆਈ।
ਮੀਡੀਆ ਰਿਪੋਰਟਸ ਮੁਤਾਬਕ ਸਹਿਰ ਖੁਦ ਨੂੰ ਐਂਜਲੀਨਾ ਦੀ ਸਭ ਤੋਂ ਵੱਡੀ ਫੈਨ ਮੰਨਦੀ ਹੈ। ਉਨ੍ਹਾਂ ਨੇ ਕਿਹਾ ਸੀ ਕਿ ਉਹ ਆਪਣੀ ਫੇਵਰੇਟ ਅਦਾਕਾਰਾ ਵਾਂਗ ਦਿਖਣ ਲਈ ਕੁਝ ਵੀ ਕਰੇਗੀ, ਜਿਸ ਦੇ ਕੁਝ ਮਹੀਨਿਆਂ ਬਾਅਦ ਸਹਿਰ ਦੇ 50 ਸਰਜੀਆਂ ਕਰਾਉਣ ਦੀ ਖਬਰ ਆਈ।
ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਡਾਈਟ ਵੀ ਫਾਲੋਅ ਕੀਤੀ ਤਾਂ ਕਿ ਉਨ੍ਹਾਂ ਦਾ ਵਜ਼ਨ 40 ਕਿਲੋਂ ਤੋਂ ਜ਼ਿਆਦਾ ਨਾ ਵਧੇ।
ਜ਼ਿਕਰਯੋਗ ਹੈ ਕਿ ਆਪਣੇ ਇਸ ਟਰਾਂਸਫਾਰਮੇਸ਼ਨ ਦੀਆਂ ਤਸਵੀਰਾਂ ਸਹਿਰ ਨੇ ਆਪਣੇ ਇੰਸਟਾਗਰਾਮ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ, ਜਿਸ ਤੋਂ ਬਾਅਦ ਹਰ ਮਿੰਟ ਸਹਿਰ ਦੇ ਫਾਲੋਅਰਜ਼ ਦੀ ਲਿਸਟ 'ਚ ਤੇਜ਼ੀ ਤੋਂ ਵਾਧਾ ਹੋ ਰਿਹਾ ਹੈ।
ਹਾਲਾਂਕਿ ਕੁਝ ਲੋਕ ਉਨ੍ਹਾਂ ਨੂੰ ਲੁੱਕਸ ਕਾਰਨ ਟਰੋਲ ਵੀ ਕਰਦੇ ਹਨ। ਕਈਆਂ ਨੇ ਤਾਂ ਸਹਿਰ ਦੀ ਤੁਲਨਾ ਜ਼ੌਂਬੀ (ਭੂਤ) ਨਾਲ ਕੀਤੀ ਤਾਂ ਕਿਸੇ ਨੇ ਸਹਿਰ ਨੂੰ ਕਿਹਾ ਕਿ ਕਿਸ ਨੇ ਤੁਹਾਡੇ ਚਿਹਰੇ 'ਤੇ ਬੰਬ ਸੁੱਟਿਆ ਹੈ?
