ਮੰਬਈ— ਪਾਕਿਸਤਾਨੀ ਦੀਆਂ ਦੋ ਅਦਾਕਾਰਾਂ ਦੇ ਘਰ ਸਰਕਾਰੀ ਤਾਲਾ (ਜ਼ਿੰਦਾ) ਲਾ ਦਿੱਤਾ ਗਿਆ ਹੈ। ਅਸਲ 'ਚ ਮਾਮਲਾ ਟੈਕਸ ਚੋਰੀ ਕਰਨ ਦਾ ਹੈ। ਇਹ ਤਾਲਾ ਫੇਡਰਲ ਬੋਰਡ ਆਫ ਰੇਵੇਨਿਊ ਵਿਭਾਗ ਵਲੋਂ ਲਾਇਆ ਗਿਆ ਹੈ। ਐੱਫ. ਬੀ. ਆਰ. ਨੇ ਅਦਾਕਾਰਾ ਨੂਰ ਤੇ ਸਬਾ ਕਮਰ ਦੇ ਘਰ ਨੂੰ ਸੀਲ ਕਰ ਦਿੱਤਾ ਹੈ। ਨੂਰ 'ਤੇ ਰੁਪਏ 1.5 ਮਿਲੀਅਨ ਟੈਕਸ ਚੋਰੀ ਤੋ ਸਬਾ ਕਮਰ 'ਤੇ ਰੁਪਏ 3.4 ਮਿਲੀਅਨ ਟੈਕਸ ਦੀ ਚੋਰੀ ਦਾ ਦੋਸ਼ ਹੈ।
ਐੱਫ. ਬੀ. ਆਰ. ਨੇ ਦੱਸਿਆ ਕਿ ਇਨੀ ਦਿਨੀਂ ਅਦਾਕਾਰਾਂ ਨੂੰ ਪਹਿਲਾ ਕਈ ਨੋਟਿਸ ਭੇਜੇ ਜਾ ਚੁੱਕੇ ਹਨ ਪਰ ਕੋਈ ਪ੍ਰਤੀਕਿਰਿਆ ਨਾ ਮਿਲਣ ਕਾਰਨ ਘਰਾਂ ਨੂੰ ਸੀਲ ਕਰਨ ਦਾ ਕਦਮ ਚੁੱਕਣਾ ਪਿਆ। ਸਬਾ ਕਮਰ ਨੇ ਹਾਲ ਹੀ 'ਚ ਬਾਲੀਵੁੱਡ ਫਿਲਮ 'ਹਿੰਦੀ ਮੀਡੀਅਮ' ਕੀਤੀ ਸੀ। ਇਸ ਫਿਲਮ 'ਚ ਉਨ੍ਹਾਂ ਨੇ ਇਰਫਾਨ ਖਾਨ ਦੇ ਓਪੋਜਿਟ ਕਿਰਦਾਰ ਨਿਭਾਇਆ ਸੀ।