ਨਵੀਂ ਦਿੱਲੀ(ਬਿਊਰੋ)— ਪਾਕਿਸਤਾਨੀ ਅਦਾਕਾਰਾ ਹੁਮੈਮਾ ਮਲਿਕ, ਜਿਨ੍ਹਾਂ ਨੇ ਸਾਲ 2014 'ਚ ਫਿਲਮ 'ਰਾਜਾ ਨਟਵਰਲਾਲ' ਨਾਲ ਬਾਲੀਵੁੱਡ 'ਚ ਡੈਬਿਊ ਕੀਤਾ ਸੀ। ਇਸ ਫਿਲਮ 'ਚ ਲੀਡ ਐਕਟਰ ਦਾ ਕਿਰਦਾਰ ਇਮਰਾਨ ਹਾਸ਼ਮੀ ਨੇ ਨਿਭਾਇਆ ਸੀ।
ਹਾਲਾਂਕਿ ਇਹ ਫਿਲਮ ਬਾਕਸ ਆਫਿਸ 'ਤੇ ਬੁਰੀ ਤਰ੍ਹਾਂ ਪਿੱਟ ਗਈ ਗਈ ਪਰ ਇਸ ਫਿਲਮ ਨਾਲ ਡੈਬਿਊ ਕਰਨ ਵਾਲੀ ਹੁਮੈਮਾ ਮਲਿਕ ਨੇ ਹਾਲ ਹੀ 'ਚ ਬਿਆਨ ਦਿੱਤਾ ਹੈ ਕਿ ਇਸ ਫਿਲਮ ਨਾਲ ਇੰਨੀ ਕਮਾਈ ਹੋ ਗਈ ਕਿ ਮੈਂ ਆਪਣੇ ਲਈ ਘਰ ਤੱਕ ਖਰੀਦ ਲਿਆ।
ਹੁਮੈਮਾ ਨੇ ਬਾਲੀਵੁੱਡ ਤੋਂ ਪਹਿਲਾਂ ਪਾਕਿਸਤਾਨ ਦੀ ਫਿਲਮ 'ਦੇਖ ਮਗਰ ਪਿਆਰ ਸੇ' ਵੀ ਕੀਤੀ ਸੀ, ਜੋ ਕਿ ਫਲਾਪ ਸਾਬਿਤ ਹੋਈ ਸੀ।
ਦੱਸਣਯੋਗ ਹੈ ਕਿ ਅਜੇ ਹੁਮੈਮਾ ਮਲਿਕ ਪਾਕਿਸਤਾਨ 'ਚ ਮਹੇਸ਼ ਭੱਟ ਦੀ ਸਾਲ 1982 'ਚ ਬਣੀ ਫਿਲਮ 'ਅਰਥ' ਦੀ ਰੀਮੇਕ ਫਿਲਮ 'ਅਰਥ 2' ਕਰ ਰਹੀ ਹੈ। ਇਸ ਫਿਲਮ 'ਚ ਸ਼ਾਨ ਸ਼ਾਹਿਦ, ਮੋਹਿਬ ਮਿਰਜਾ ਤੇ ਉਜਮਾ ਹਸਨ ਵੀ ਸ਼ਾਮਲ ਹੈ।
ਪਾਕਿਸਤਾਨ ਦੀ ਫਿਲਮ 'ਦੇਖੋ ਮਗਰ ਪਿਆਰ ਸੇ' ਫਲਾਪ ਹੋਣ ਨੂੰ ਲੈ ਕੇ ਹੁਮੈਮਾ ਨੇ ਪਾਕਿਸਤਾਨ ਦੀ ਵੈੱਬਸਾਈਟ ਨੂੰ ਦਿੱਤੇ ਇੰਟਰਵਿਊ ਦੌਰਾਨ ਕਿਹਾ, ''ਭਾਵੇਂ ਹੀ ਇਹ ਫਿਲਮ ਹਿੱਟ ਨਾ ਹੋ ਸਕੀ ਪਰ ਮੈਂ ਆਪਣੇ ਵਲੋਂ ਬੈਸਟ ਦਿੱਤਾ ਸੀ ਤੇ ਬਾਲੀਵੁੱਡ ਦੀ ਡੈਬਿਊ ਫਿਲਮ 'ਰਾਜਾ ਨਟਵਰਲਾਲ' ਨਾਲ ਇੰਨੀ ਕਮਾਈ ਕਰ ਲਈ ਸੀ ਕਿ ਮੈਂ ਆਪਣੇ ਲਈ ਘਰ ਖਰੀਦ ਲਿਆ।
ਇਸ ਫਿਲਮ ਨਾਲ ਮੈਨੂੰ ਹੋਰ ਕਿਸੇ ਵੀ ਪ੍ਰੋਜੈਕਟ ਤੋਂ ਜ਼ਿਆਦਾ ਕਮਾਈ ਕਰਨ ਦਾ ਮੌਕਾ ਨਹੀਂ ਮਿਲਿਆ।''