ਜਲੰਧਰ (ਬਿਊਰੋ) — ਦੱਖਣੀ-ਪੂਰਬੀ ਆਲਟ੍ਰੇਲੀਆ ਦੇ ਜੰਗਲਾਂ 'ਚ ਭਿਆਨਕ ਅੱਗ ਲੱਗੀ ਹੋਈ ਹੈ। ਇਸ ਭਿਆਨਕ ਅੱਗ ਕਾਰਨ ਲਗਭਗ 50 ਕਰੋੜ ਜਾਨਵਰਾਂ ਤੇ ਪੰਛੀਆਂ ਦੀ ਮੌਤ ਹੋ ਚੁੱਕੀ ਹੈ। ਸੋਸ਼ਲ ਮੀਡੀਆ 'ਤੇ ਆਸਟ੍ਰੇਲੀਆ ਤੋਂ ਵਾਇਰਲ ਹੋ ਰਹੀਆਂ ਤਸਵੀਰਾਂ ਦੇਖ ਕੇ ਦੁਨੀਆ ਭਰ ਦੇ ਲੋਕਾਂ ਦੀਆਂ ਅੱਖਾਂ ਨਮ ਹੋ ਰਹੀਆਂ ਹਨ।
ਇਸੇ ਦੌਰਾਨ ਪੰਜਾਬੀ ਕਲਾਕਾਰਾਂ ਨੇ ਵੀ ਪ੍ਰਮਾਤਮਾ ਅੱਗੇ ਅਰਦਾਸ ਕਰ ਰਹੇ ਹਨ, ਜਿਸ ਦੇ ਚੱਲਦਿਆਂ ਪਾਲੀਵੁੱਡ ਅਦਾਕਾਰ ਐਮੀ ਵਿਰਕ, ਬੀਨੂੰ ਢਿੱਲੋਂ, ਹਿਮਾਂਸ਼ੀ ਖੁਰਾਨਾ, ਰੇਸ਼ਮ ਸਿੰਘ ਅਨਮੋਲ, ਨੀਰੂ ਬਾਜਵਾ, ਜਗਦੀਪ ਸਿੱਧੂ, ਗੁਰਨਾਮ ਭੁੱਲਰ, ਰਵਨੀਤ ਸਿੰਘ ਅਤੇ ਪਰਮੀਸ਼ ਵਰਮਾ ਸਮੇਤ ਕਈ ਸਿਤਾਰਿਆਂ ਨੇ ਆਪਣੇ-ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਤਸਵੀਰਾਂ ਸ਼ੇਅਰ ਕਰਦਿਆਂ ਪ੍ਰਮਾਤਮਾ ਅੱਗੇ ਆਸਟ੍ਰੇਲੀਆ ਲਈ ਅਰਦਾਸ ਕਰ ਰਹੇ ਹਨ।
ਦੱਸਣਯੋਗ ਹੈ ਕਿ ਯੂਨੀਵਰਸਿਟੀ ਆਫ ਸਿਡਨੀ ਦੇ ਇਕੋਲਾਜਿਸਟ ਮੁਤਾਬਕ, ਹੁਣ ਤੱਕ 48 ਕਰੋੜ ਜਾਨਵਰਾਂ ਦੀ ਮੌਤ ਅੱਗ 'ਚ ਝੁਲਸਣ ਕਾਰਨ ਹੋ ਚੁੱਕੀ ਹੈ। ਇਨ੍ਹਾਂ 'ਚ ਦੁੱਧਾਰੂ ਪਸ਼ੂ, ਪੰਛੀ ਤੇ ਰੇਂਗਣ ਵਾਲੇ ਜੀਵ-ਜੰਤੂ ਸ਼ਾਮਲ ਹਨ। ਇਹ ੱੱਗ ਆਸਟ੍ਰੇਲੀਆ ਦੇ ਵਿਕਟੋਰੀਆ ਤੇ ਨਿਊ ਸਾਊਥ ਵੇਲਜ਼ ਦੇ ਤੱਟੀ ਇਲਾਕਿਆਂ 'ਚ ਸਭ ਤੋਂ ਵੱਧ ਫੈਲੀ ਹੋਈ ਹੈ।
ਦੱਸ ਦਈਏ ਕਿ ਵਧੇ ਤਾਪਮਾਨ ਤੇ ਗਰਮ ਹਵਾਵਾਂ ਕਾਰਨ ਫਾਇਰ ਬਰਿਗੇਡ ਟੀਮ ਨੂੰ ਅੱਗ ਬੁਝਾਉਣ 'ਚ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਕਈ ਥਾਵਾਂ 'ਤੇ ਤਾਪਮਾਨ 45 ਡਿਗਰੀ ਤੱਕ ਪਹੁੰਚ ਗਿਆ ਹੈ ਪਰ ਬੀਤੇ ਦਿਨੀਂ ਆਸਟਰੇਲੀਆ 'ਚ ਮੀਂਹ ਪੈਣ ਕਾਰਨ ਕੁਝ ਰਾਹਤ ਮਿਲੀ ਹੈ।
ਨੀਰੂ ਬਾਜਵਾ
ਗੁਰਨਾਮ ਭੁੱਲਰ
ਰਵਨੀਤ ਸਿੰਘ