ਨਵੀਂ ਦਿੱਲੀ (ਬਿਊਰੋ) — ਅਮਰੀਕਾ 'ਚ ਸ਼ੂਟਿੰਗ ਦੀ ਨਵੀਂ ਵਾਰਦਾਤ ਸਾਹਮਣੇ ਆਈ ਹੈ। ਲਾਂਸ ਏਜਲਸ 'ਚ ਸ਼ੂਟਿੰਗ ਦੀ ਘਟਨਾ 'ਚ ਰੈਪਰ ਦੀ ਮੌਤ ਹੋ ਗਈ ਹੈ। ਰੈਪਰ ਦਾ ਨਾਂ ਨਿਪਸੇ ਹਸਲ ਦੱਸਿਆ ਜਾ ਰਿਹਾ ਹੈ। ਸੀ. ਐੱਨ. ਐੱਨ. ਨੇ ਲਾਂਸ ਏਜਲਸ ਪੁਲਸ ਦੇ ਹਵਾਲੇ ਦੀ ਰਿਪੋਰਟ ਮੁਤਾਬਕ, ਇਹ ਘਟਨਾ ਐਤਵਾਰ ਦੁਪਹਿਰ ਦੀ ਹੈ।
ਰੈਪਰ ਨੂੰ ਸਲਾਸਨ ਐਵਨਿਊ ਤੇ ਕ੍ਰੇਨਸ਼ਾ ਬੁਲੇਵਾਰਡ ਦੇ ਖੇਤਰ ਦੇ ਨਜਦੀਕ ਉਸ ਦੇ ਕੱਪੜਿਆਂ ਵਾਲੇ ਸਟੋਰ ਕੋਲ ਗੋਲੀ ਮਾਰੀ ਗਈ। ਸ਼ੂਟਿੰਗ 'ਚ ਦੋ ਹੋਰ ਲੋਕ ਵੀ ਜ਼ਖਮੀ ਹੋਏ ਹਨ। ਹਾਲੇ ਤੱਕ ਘਟਨਾ 'ਚ ਸ਼ਾਮਲ ਸ਼ੱਕੀ ਲੋਕਾਂ ਦੀ ਕੋਈ ਪਛਾਣ ਨਹੀਂ ਹੋਈ। ਦੱਸ ਦਈਏ ਕਿ ਰੈਪਰ ਦਾ ਟਵਿਟਰ 'ਤੇ ਆਖਰੀ ਸੰਦੇਸ਼ ਸੀ, ''ਤਾਕਤਵਰ ਦੁਸ਼ਮਣ ਹੋਣਾ ਇਕ ਆਸ਼ੀਰਵਾਦ ਹੈ।''
ਕੌਣ ਹੈ ਇਹ ਰੈਪਰ
ਸਾਲ 2010 'ਚ ਰੈਪਰ ਹਸਲ ਨੇ 'ਰਿਕਾਰਡ ਲੇਬਲ ਆਲ ਮਨੀ ਇਨ' ਦੀ ਸਥਾਪਨਾ ਕੀਤੀ ਸੀ। ਇਸ ਨੂੰ ਉਸ ਨੇ ਆਪਣੇ ਪੰਜਵੇਂ ਮਿਕਸਟੇਪ 'ਦਿ ਮੈਰਾਥਨ' ਦੀ ਰਿਲੀਜ਼ਿੰਗ ਨਾਲ ਸ਼ੁਰੂ ਕੀਤਾ ਸੀ। ਹਸਲ ਨੇ ਕੇਂਡ੍ਰਿਕ ਲੇਮਰ ਡ੍ਰੇਕ, ਵਾਈਜੀ, ਟਾਏ ਡੋਲੋ ਸਾਈਨ, ਮਿਰ ਮਿਲ ਅਤੇ ਯੰਗ ਵਰਗੇ ਸਫਲ ਕਲਾਕਾਰ ਨਾਲ ਕੰਮ ਕੀਤਾ ਹੈ।
ਰੈਪਰ ਦੀ ਮੌਤ ਤੋਂ ਬਾਅਦ ਸੈਲੀਬ੍ਰਿਟੀਜ਼ ਤੇ ਪ੍ਰਸ਼ੰਸਕਾਂ ਨੇ ਸੋਸ਼ਲ ਮੀਡੀਆ 'ਤੇ ਦੁੱਖ ਜਤਾਇਆ ਹੈ। ਕਈ ਲੋਕਾਂ ਨੇ ਅਮਰੀਕਾ 'ਚ ਆਏ ਦਿਨ ਸ਼ੂਟਿੰਗ ਦੀਆਂ ਘਟਨਾਵਾਂ ਦੀ ਆਲੋਚਨਾ ਵੀ ਕੀਤੀ ਹੈ।