ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਆਲੀਆ ਭੱਟ ਹੁਣ ਹਲਕੀ-ਫੁਲਕੀ ਫਿਲਮ ਵਿਚ ਕੰਮ ਕਰਨਾ ਚਾਹੁੰਦੀ ਹੈ। ਆਲੀਆ ਦੀ ਫਿਲਮ 'ਰਾਜ਼ੀ' ਹਾਲ ਹੀ ਵਿਚ ਪ੍ਰਦਰਸ਼ਿਤ ਹੋਈ ਹੈ ਅਤੇ ਉਸ ਨੂੰ ਫਿਲਮ ਲਈ ਕਾਫੀ ਵਾਹ-ਵਾਹ ਵੀ ਮਿਲ ਰਹੀ ਹੈ। ਫਿਲਮ ਨੇ ਬਾਕਸ ਆਫਿਸ 'ਤੇ ਵੀ ਸਫਲਤਾ ਹਾਸਲ ਕੀਤੀ ਹੈ। ਉਸ ਨੇ ਹਾਲ ਹੀ ਵਿਚ ਕਿਹਾ ਸੀ ਕਿ ਉਸ ਨੂੰ ਹਰ ਕੋਈ ਸੀਰੀਅਸ ਫਿਲਮਾਂ ਹੀ ਆਫਰ ਕਰ ਰਿਹਾ ਹੈ, ਜਦੋਂ ਕਿ ਉਹ ਹੁਣ ਲਾਈਟ ਫਿਲਮਾਂ ਵੀ ਕਰਨਾ ਚਾਹੁੰਦੀ ਹੈ ਅਤੇ ਉਸਦੀ ਇਹ ਚਾਹਤ ਵੀ ਹੋ ਚੁੱਕੀ ਹੈ। ਉਸ ਨੇ ਕਿਹਾ ਕਿ ਉਸ ਨੂੰ ਨਿਰਦੇਸ਼ਕ ਅਸ਼ਵਨੀ ਅਈਅਰ ਤਿਵਾੜੀ ਨੇ ਇਕ ਫਿਲਮ ਆਫਰ ਕੀਤੀ ਹੈ ਅਤੇ ਉਸ ਨੇ ਉਸ ਫਿਲਮ ਨੂੰ ਸਾਈਨ ਵੀ ਕਰ ਲਿਆ ਹੈ। ਉਸ ਨੇ ਕਿਹਾ ਕਿ ਉਹ ਇਸ ਫਿਲਮ ਨੂੰ ਕਰਨ ਜਾ ਰਹੀ ਹੈ ਅਤੇ ਇਸ ਗੱਲ ਨੂੰ ਲੈ ਕੇ ਉਹ ਬਹੁਤ ਉਤਸ਼ਾਹਿਤ ਵੀ ਹੈ ਕਿ ਹੁਣ ਉਹ ਥ੍ਹੋੜੀ ਹਲਕੀ-ਫੁਲਕੀ ਫਿਲਮ ਵੀ ਕਰੇਗੀ।