ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਆਪਣੇ ਪਿਤਾ ਹਰਿਵੰਸ਼ ਰਾਏ ਬੱਚਨ ਦੀਆਂ ਕਵਿਤਾਵਾਂ ਨੂੰ ਕੰਪੋਜ਼ ਕਰ ਰਹੇ ਹਨ। ਅਮਿਤਾਭ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਪਿਤਾ ਦੀ ਸਭ ਤੋਂ ਮਸ਼ਹੂਰ ਕਵਿਤਾ 'ਮਧੂਸ਼ਾਲਾ' ਨੂੰ ਸੰਗੀਤ ਨਾਲ ਸਜਾ ਕੇ ਤਿਆਰ ਕਰ ਲਿਆ ਹੈ ਅਤੇ ਹੁਣ ਦੂਜੀਆਂ ਕਵਿਤਾਵਾਂ 'ਤੇ ਕੰਮ ਕਰ ਰਹੇ ਹਨ। ਅਮਿਤਾਭ ਨੇ ਕਿਹਾ ਕਿ ਮੈਂ ਪਿਛਲੇ ਕਈ ਮਹੀਨਿਆਂ ਤੋਂ ਸੰਗੀਤ ਨੂੰ ਲੈ ਕੇ ਵਿਸਥਾਰ 'ਚ ਕੰਮ ਕਰ ਰਿਹਾ ਹਾਂ। ਪਿਤਾ ਜੀ ਦੀਆਂ ਕਵਿਤਾਵਾਂ ਹਨ, ਜਿਨ੍ਹਾਂ ਨੂੰ ਮੈਂ ਸੰਗੀਤਬੱਧ ਕਰ ਰਿਹਾ ਹਾਂ। ਪਿਤਾ ਜੀ ਦੀਆਂ ਕਵਿਤਾਵਾਂ ਨੂੰ ਸੰਗੀਤ ਨਾਲ ਸਜਾ ਕੇ ਉਸੇ ਸੁਰ ਅਤੇ ਤਾਲ ਵਿਚ ਕੰਪੋਜ਼ ਕਰਨਾ ਅਤੇ ਗਾਉਣਾ ਚਾਹੁੰਦਾ ਹਾਂ, ਜਿਸ ਸੁਰ 'ਚ ਪਿਤਾ ਜੀ ਖੁਦ ਸੁਣਾਉਂਦੇ ਸਨ। ਮੈਂ 'ਮਧੂਸ਼ਾਲਾ' ਨੂੰ ਰਿਕਾਰਡ ਕਰ ਲਿਆ ਹੈ, ਹੋ ਸਕਦਾ ਹੈ ਕਿ ਇਕ-ਅੱਧੇ ਮਹੀਨੇ 'ਚ ਤੁਹਾਡੇ ਸਾਹਮਣੇ ਪੇਸ਼ ਵੀ ਕਰਾਂਗਾ।