ਮੁੰਬਈ(ਬਿਊਰੋ)— ਹਾਲ ਹੀ 'ਚ ਏਸ਼ੀਆ ਸਪਾ ਐਵਾਰਡਜ਼ 2018 ਦਾ ਆਯੋਜਨ 'St. Regis' 'ਚ ਕੀਤਾ ਗਿਆ। ਇਸ ਐਵਾਰਡਜ਼ ਫੰਕਸ਼ਨ 'ਚ ਰੈੱਡ ਕਾਰਪੇਟ 'ਤੇ ਕਈ ਬਾਲੀਵੁੱਡ ਸਿਤਾਰੇ ਸਟਾਈਲਿਸ਼ ਤੇ ਬੋਲਡ ਲੁੱਕ 'ਚ ਦਿਖੇ। ਰੈੱਡ ਕਾਰਪੇਟ 'ਤੇ ਸ਼ਿਲਪਾ ਸ਼ੈੱਟੀ ਕਾਫੀ ਸ਼ਾਨਦਾਰ ਲੁੱਕ 'ਚ ਨਜ਼ਰ ਆਈ। ਉਨ੍ਹਾਂ ਨੇ ਕਰੀਮ ਰੰਗ ਦੀ ਫੁੱਲਦਾਰ ਸਾੜ੍ਹੀ ਤੇ ਡਿਜ਼ਾਈਨਰ ਬਲਾਊਜ਼ ਪਾਇਆ ਹੋਇਆ ਸੀ। ਉਸ ਨੇ ਇਸ ਖਾਸ ਮੌਕੇ 'ਤੇ ਫੋਟੋਗ੍ਰਾਫਰਜ਼ ਨੂੰ ਵੀ ਖੂਬ ਪੋਜ਼ ਦਿੱਤੇ। ਉਨ੍ਹਾਂ ਨੇ ਆਪਣੀਆਂ ਕੁਝ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਹਨ। ਇਕ ਤਸਵੀਰ ਦੇ ਕੈਪਸ਼ਨ 'ਚ ਉਨ੍ਹਾਂ ਨੇ ਲਿਖਿਆ, ''All dressed up for yet another award tonight (told you it’s pouring awards????????) Where : #theasiaspaawards #sarinotsorry #glam #summery #floral #comfy #wellnessachiever #Rainingawards।'' ਸ਼ਿਲਪਾ ਤੋਂ ਇਲਾਵਾ ਐਵਾਰਡਜ਼ ਫੰਕਸ਼ਨ 'ਚ ਰੇਖਾ ਵੀ ਨਜ਼ਰ ਆਈ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਗੋਲਡਨ ਰੰਗ ਦੀ ਸਾੜ੍ਹੀ ਪਾਈ ਸੀ, ਜਿਸ 'ਚ ਉਹ ਕਾਫੀ ਖੂਬਸੂਰਤ ਲੱਗ ਰਹੀ ਸੀ। ਇਸ ਤੋਂ ਇਲਾਵਾ ਰਵੀਨਾ ਟੰਡਨ, ਡਾਇਨਾ ਪੇਂਟੀ, ਰਿਚਾ ਚੱਢਾ, ਭੂਮੀ ਪੇਂਡਨੇਕਰ, ਦਿਵਿਆ ਖੋਸਲਾ ਕੁਮਾਰ, ਰਾਜ ਕੁਮਾਰ ਰਾਵ, ਰਾਹੁਲ ਦੇਵ ਸਮੇਤ ਹੋਰ ਹਸਤੀਆਂ ਦਿਖੀਆਂ।