ਮੁੰਬਈ (ਬਿਊਰੋ)— ਪ੍ਰਸਿੱਧ ਮਿਊਜ਼ਿਕ ਡਾਇਰੈਕਟਰ ਤੇ ਸਿੰਗਰ ਹਿਮੇਸ਼ ਰੇਸ਼ਮੀਆ ਨੇ 11 ਮਈ ਨੂੰ ਗਰਲਫਰੈਂਡ ਸੋਨੀਆ ਕਪੂਰ ਨਾਲ ਦੂਜਾ ਵਿਆਹ ਕਰਵਾਇਆ। ਵਿਆਹ ਤੋਂ ਬਾਅਦ ਹਿਮੇਸ਼ ਤੇ ਸੋਨੀਆ ਐਤਵਾਰ ਨੂੰ ਪਹਿਲੀ ਵਾਰ ਏਅਰਪੋਰਟ 'ਤੇ ਨਜ਼ਰ ਆਏ। ਦੋਵੇਂ ਇਥੋਂ ਹਨੀਮੂਨ ਲਈ ਦੁਬਈ ਰਵਾਨਾ ਹੋਏ ਹਨ। ਦੱਸਣਯੋਗ ਹੈ ਕਿ 22 ਸਾਲ ਦੇ ਲੰਮੇ ਵਿਆਹੁਤਾ ਜੀਵਨ ਤੋਂ ਬਾਅਦ ਹਿਮੇਸ਼ ਆਪਣੀ ਪਹਿਲੀ ਪਤਨੀ ਕੋਮਲ ਤੋਂ ਪਿਛਲੇ ਸਾਲ ਅਲੱਗ ਹੋ ਗਏ ਸਨ। ਹਿਮੇਸ਼ ਤੇ ਸੋਨੀਆ ਕਪੂਰ ਤੋਂ ਇਲਾਵਾ ਕੰਗਨਾ ਰਣੌਤ ਤੇ ਦੀਪਿਕਾ ਪਾਦੁਕੋਣ ਵੀ ਏਅਰਪੋਰਟ 'ਤੇ ਨਜ਼ਰ ਆਈਆਂ। ਕੰਗਨਾ ਤੇ ਦੀਪਿਕਾ ਕਾਨਸ ਫਿਲਮ ਫੈਸਟੀਵਲ 'ਚ ਸ਼ਿਰਕਤ ਕਰਨ ਤੋਂ ਬਾਅਦ ਭਾਰਤ ਪਰਤੀਆਂ ਹਨ। ਇਸ ਦੌਰਾਨ ਸੰਜੇ ਦੱਤ ਦੀ ਪਤਨੀ ਮਾਨਿਅਤਾ ਦੋਵਾਂ ਬੱਚਿਆਂ ਸ਼ਾਹਰਾਨ ਤੇ ਇਕਰਾ ਨਾਲ ਬਾਂਦਰਾ ਸਥਿਤ ਕਾਰਨਰ ਹਾਊਸ ਦੇ ਬਾਹਰ ਨਜ਼ਰ ਆਈ। ਹਾਲਾਂਕਿ ਇਸ ਦੌਰਾਨ ਸੰਜੇ ਦੱਤ ਨਹੀਂ ਦਿਖੇ। ਤਾਪਸੀ ਪਨੂੰ ਤੇ ਰਕੁਲਪ੍ਰੀਤ ਸਿੰਘ ਜੁਹੂ ਸਥਿਤ ਕੋਪਾ ਰੈਸਟੋਰੈਂਟ ਦੇ ਬਾਹਰ ਕੈਮਰੇ 'ਚ ਕੈਦ ਕੀਤੇ ਗਏ। ਉਥੇ ਰਣਬੀਰ ਕਪੂਰ ਮਾਂ ਨੀਤੂ ਕਪੂਰ ਨਾਲ ਇਕ ਰੈਸਟੋਰੈਂਟ ਦੇ ਬਾਹਰ ਦੇਖੇ ਗਏ। ਸੋਨਾਲੀ ਬੇਂਦਰੇ ਪਤੀ ਗੋਲਡੀ ਬਹਿਲ ਨਾਲ ਹੱਕਾਸਨ ਰੈਸਟੋਰੈਂਟ ਦੇ ਬਾਹਰ ਨਜ਼ਰ ਆਈ।