ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਡਾਇਨਾ ਪੇਂਟੀ ਨੂੰ ਫਿਲਮੀ ਦੁਨੀਆ 'ਚ ਬਹੁਤ ਘੱਟ ਪ੍ਰਸਿੱਧੀ ਮਿਲੀ ਤੇ ਉਸ ਨੂੰ ਬਹੁਤ ਘੱਟ ਫਿਲਮਾਂ 'ਚ ਦੇਖਿਆ ਗਿਆ। ਕੁਝ ਦਿਨਾਂ ਤੋਂ ਉਸ ਦੀਆਂ ਬਚਪਨ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਅਸਲ 'ਚ ਡਾਇਨਾ ਜਲਦ ਹੀ ਇਕ ਫਿਲਮ 'ਚ ਨਜ਼ਰ ਆਉਣ ਵਾਲੀ ਹੈ। ਮੁੰਬਈ ਦੇ ਪਾਰਸੀ ਤੇ ਕ੍ਰਿਸ਼ਚਨ ਪਰਿਵਾਰ 'ਚ ਜਨਮ ਲੈਣ ਵਾਲੀ ਡਾਇਨਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਮਾਡਲਿੰਗ ਤੋਂ ਕੀਤੀ ਸੀ। ਉਸ ਨੂੰ ਬਾਲੀਵੁੱਡ 'ਚ ਬਹੁਤ ਘੱਟ ਫਿਲਮਾਂ 'ਚ ਦੇਖਿਆ ਗਿਆ ਹੈ, ਜਿਸ 'ਚੋਂ ਇਕ ਫਿਲਮ 'ਕਾਕਟੇਲ' ਹੈ। ਫਿਲਮ 'ਕਾਕਟੇਲ' 'ਚ ਉਸ ਨਾਲ ਸੈਫ ਅਲੀ ਖਾਨ ਤੇ ਦੀਪਿਕਾ ਪਾਦੂਕੋਣ ਵੀ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਡਾਇਨਾ ਤੇ ਦੀਪਿਕਾ ਦਾ ਚਿਹਰਾ ਕਾਫੀ ਮਿਲਦਾ-ਜੁਲਦਾ ਹੈ ਪਰ ਸ਼ਾਇਦ ਹੀ ਤੁਹਾਨੂੰ ਪਤਾ ਹੋਵੇ ਕਿ ਡਾਇਨਾ ਆਪਣਾ ਆਉਣ ਵਾਲੀ ਫਿਲਮ 'ਪ੍ਰਮਾਣੂ' ਦੇ ਐਕਟਰ ਜਾਨ ਅਬਰਾਹਿਮ ਨਾਲ ਇਕ ਫੌਜੀ ਦੇ ਕਿਰਦਾਰ 'ਚ ਨਜ਼ਰ ਆਉਣ ਵਾਲੀ ਹੈ। ਫਿਲਮ ਨੂੰ ਅਭਿਸ਼ੇਕ ਵਰਮਾ ਨੇ ਡਾਇਰੈਕਟ ਕੀਤਾ ਹੈ ਤੇ ਇਹ ਫਿਲਮ 24 ਮਈ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।