ਮੁੰਬਈ (ਬਿਊਰੋ)— ਸੋਨਮ ਕਪੂਰ ਦੇ ਘਰ ਅੱਜ ਮਹਿੰਦੀ ਸੈਰੇਮਨੀ ਦਾ ਆਯੋਜਨ ਕੀਤਾ ਗਿਆ। ਇਸ ਦੌਰਾਨ ਖਾਸ ਤੌਰ 'ਤੇ ਸੋਨਮ ਕਪੂਰ ਦਾ ਹੋਣ ਵਾਲਾ ਲਾੜਾ ਆਨੰਦ ਆਹੂਜਾ ਵੀ ਪਹੁੰਚਿਆ।
ਮਹਿੰਦੀ ਸੈਰੇਮਨੀ ਦੀਆਂ ਬੇਹੱਦ ਖਾਸ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜਿਨ੍ਹਾਂ 'ਚ ਸੋਨਮ ਤੇ ਆਨੰਦ ਇਕੱਠੇ ਬੈਠੇ ਕਾਫੀ ਖੂਬਸੂਰਤ ਲੱਗ ਰਹੇ ਹਨ। ਇਕ ਤਸਵੀਰ 'ਚ ਸੋਨਮ ਆਨੰਦ ਦੀਆਂ ਬਾਹਾਂ ਸ਼ਰਮਾਉਂਦੀ ਨਜ਼ਰ ਆ ਰਹੀ ਹੈ।
ਦੱਸਣਯੋਗ ਹੈ ਕਿ ਸੋਨਮ ਦੀ ਮਹਿੰਦੀ ਸੈਰੇਮਨੀ 'ਚ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ। ਇਨ੍ਹਾਂ ਸਿਤਾਰਿਆਂ 'ਚ ਭਰਾ ਹਰਸ਼ਵਰਧਨ ਕਪੂਰ, ਭੈਣ ਰਿਆ ਕਪੂਰ, ਅਰਜੁਨ ਕਪੂਰ, ਖੁਸ਼ੀ ਕਪੂਰ, ਜਾਨਹਵੀ ਕਪੂਰ, ਮਹੀਪ ਕਪੂਰ, ਕੁਣਾਲ ਰਾਵਲ, ਸ਼ਨਾਇਆ ਕਪੂਰ, ਸਿਧਾਂਤ ਕਪੂਰ, ਸੰਜੇ ਕਪੂਰ ਤੇ ਕਰਨ ਜੌਹਰ ਮੁੱਖ ਤੌਰ 'ਤੇ ਸ਼ਾਮਲ ਸਨ।
ਤਸਵੀਰਾਂ ਦੇ ਨਾਲ-ਨਾਲ ਮਹਿੰਦੀ ਸੈਰੇਮਨੀ ਦੀਆਂ ਕੁਝ ਵੀਡੀਓਜ਼ ਵੀ ਸੋਸ਼ਲ ਮੀਡੀਆ 'ਤੇ ਸਾਹਮਣੇ ਆਈਆਂ ਹਨ।
ਸੋਨਮ ਤੇ ਆਨੰਦ ਦਾ ਵਿਆਹ 8 ਮਈ ਨੂੰ ਸਵੇਰੇ 11 ਵਜੇ ਤੋਂ ਦੁਪਹਿਰ 12.30 ਵਜੇ ਤਕ ਰੌਕਡੇਲ 226, ਬੈਂਡਸਟੈਂਡ, ਬਾਂਦਰਾ ਵਿਖੇ ਹੋਵੇਗਾ, ਜਿਸ ਦਾ ਡਰੈੱਸ ਕੋਡ ਇੰਡੀਅਨ ਟਰਡੀਸ਼ਨਲ ਹੈ।
ਇਸ ਤੋਂ ਬਾਅਦ ਰਾਤ 8 ਵਜੇ 'ਦਿ ਲੀਲਾ ਹੋਟਲ' ਮੁੰਬਈ 'ਚ ਗਰੈਂਡ ਰਿਸੈਪਸ਼ਨ ਰੱਖੀ ਗਈ ਹੈ, ਜਿਸ ਦਾ ਡਰੈੱਸ ਕੋਡ ਇੰਡੀਅਨ/ਵੈਸਟਰਨ ਫਾਰਮਲ ਹੈ।