ਮੁੰਬਈ (ਬਿਊਰੋ)— ਵਿਵਾਦਿਤ ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਦੇ 11ਵੇਂ ਸੀਜ਼ਨ 'ਚ ਇਕ ਵਿਦੇਸ਼ੀ ਹਸੀਨਾ ਨੇ ਵੀ ਹਿੱਸਾ ਲਿਆ ਸੀ। ਆਸਟਰੇਲੀਆਈ ਮਾਡਲ ਲੁਸਿੰਡਾ ਨਿਕੋਲਸ ਸ਼ੋਅ 'ਚ 'ਗੁਆਂਢੀ' ਮੁਕਾਬਲੇਬਾਜ਼ ਦੇ ਤੌਰ 'ਤੇ ਨਜ਼ਰ ਆਈ ਸੀ। ਇਨ੍ਹੀਂ ਦਿਨੀਂ ਲੁਸਿੰਡਾ ਆਪਣੇ ਬੋਲਡ ਅੰਦਾਜ਼ ਕਾਰਨ ਚਰਚਾ 'ਚ ਹੈ। ਲੁਸਿੰਡਾ ਇੰਸਟਾਗ੍ਰਾਮ 'ਤੇ ਕਾਫੀ ਪ੍ਰਸਿੱਧ ਹੈ ਤੇ ਅਕਸਰ ਆਪਣੀਆਂ ਹੌਟ ਤੇ ਬੋਲਡ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੀ ਰਹਿੰਦੀ ਹੈ। ਲੁਸਿੰਡਾ ਨੇ ਆਸਟਰੇਲੀਆਈ ਫਿਲਮ 'ਚ ਵੀ ਕੰਮ ਕੀਤਾ ਹੈ। ਸਾਲ 2010 'ਚ ਉਸ ਨੇ 17 ਸਾਲ ਦੀ ਉਮਰ 'ਚ ਮਿਸ ਵਰਲਡ ਸਾਊਥ ਏਸ਼ੀਆ ਦਾ ਖਿਤਾਬ ਆਪਣੇ ਨਾਂ ਕੀਤਾ ਸੀ। ਆਸਟਰੇਲੀਆਈ ਫਿਲਮਾਂ ਤੋਂ ਇਲਾਵਾ ਲੁਸਿੰਡਾ ਨੇ ਭਾਰਤੀ ਫਿਲਮਾਂ 'ਚ ਵੀ ਕੰਮ ਕੀਤਾ ਹੈ। ਫਿਲਮ 'ਬੌਸ' ਦੇ ਹਿੱਟ ਪਾਰਟੀ ਨੰਬਰ 'ਪਾਰਟੀ ਆਲ ਨਾਈਟ' 'ਚ ਅਕਸ਼ੇ ਕੁਮਾਰ ਨਾਲ ਲੁਸਿੰਡਾ ਨੂੰ ਵੀ ਦੇਖਿਆ ਗਿਆ ਸੀ। ਕਾਰਤਿਕ ਆਰੀਅਨ ਤੇ ਪਰੇਸ਼ ਰਾਵਲ ਸਟਾਰਰ ਫਿਲਮ 'ਗੈਸਟ ਇਨ ਲੰਡਨ' ਉਸ ਦੀ ਆਖਰੀ ਰਿਲੀਜ਼ ਹੋਈ ਬਾਲੀਵੁੱਡ ਫਿਲਮ ਹੈ। ਲੁਸਿੰਡਾ 11ਵੇਂ ਸੀਜ਼ਨ 'ਚ 'ਬਿੱਗ ਬੌਸ' ਦੇ ਘਰ 'ਚ ਇਕੋ-ਇਕ ਵਿਦੇਸ਼ੀ ਮੁਕਾਬਲੇਬਾਜ਼ ਸੀ, ਜਿਸ ਨੇ ਪ੍ਰੀਮੀਅਰ ਐਪੀਸੋਡ 'ਚ ਕਾਫੀ ਧਿਆਨ ਖਿੱਚਿਆ।