ਮੁੰਬਈ (ਬਿਊਰੋ)— ਐਤਵਾਰ ਨੂੰ ਮਲਾਇਕਾ ਅਰੋੜਾ ਨੂੰ ਲੰਮੇ ਸਮੇਂ ਬਾਅਦ ਬੇਟੇ ਨਾਲ ਦੇਖਿਆ ਗਿਆ। ਇਸ ਦੌਰਾਨ ਮਲਾਇਕਾ ਆਪਣੇ 15 ਸਾਲ ਦੇ ਬੇਟੇ ਅਰਹਾਨ ਖਾਨ ਨਾਲ ਸਮਾਂ ਬਿਤਾਉਂਦੀ ਨਜ਼ਰ ਆਈ। ਮਾਂ-ਬੇਟੇ ਨੂੰ ਬਾਂਦਰਾ 'ਚ ਇਕੱਠਿਆਂ ਘਰ 'ਚੋਂ ਨਿਕਲਦੇ ਦੇਖਿਆ ਗਿਆ। ਇਸ ਦੌਰਾਨ ਜਦੋਂ ਫੋਟੋਗ੍ਰਾਫਰਾਂ ਨੇ ਉਸ ਦੀਆਂ ਤਸਵੀਰਾਂ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਤਾਂ ਹਮੇਸ਼ਾ ਪੋਜ਼ ਨਾਲ ਤਿਆਰ ਰਹਿਣ ਵਾਲੀ ਮਲਾਇਕਾ ਕੈਮਰੇ ਨੂੰ ਇਗਨੌਰ ਕਰਦੀ ਦਿਖੀ ਤੇ ਬਾਅਦ 'ਚ ਛੇਤੀ-ਛੇਤੀ ਉਥੋਂ ਰਵਾਨਾ ਹੋ ਗਈ। ਪੰਜ ਸਾਲਾਂ ਤੋਂ ਆਈ. ਪੀ. ਐੱਲ. 'ਚ ਸੱਟੇਬਾਜ਼ੀ ਕਰਨ ਤੇ 3 ਸਾਲਾਂ 'ਚ ਲਗਭਗ 3 ਕਰੋੜ ਰੁਪਏ ਹਾਰਨ ਦੀ ਗੱਲ ਕਬੂਲਣ ਕਾਰਨ ਅਰਬਾਜ਼ ਖਾਨ ਚਰਚਾ 'ਚ ਹਨ। ਸੱਟੇਬਾਜ਼ੀ 'ਚ ਫਸਣ ਤੋਂ ਬਾਅਦ ਮਲਾਇਕਾ ਸਭ ਤੋਂ ਪਹਿਲਾਂ ਸ਼ਨੀਵਾਰ ਨੂੰ ਅਰਬਾਜ਼ ਨੂੰ ਮਿਲਣ ਪਹੁੰਚੀ ਸੀ। 4 ਘੰਟੇ ਤਕ ਪੁੱਛਗਿੱਛ ਤੋਂ ਬਾਅਦ ਅਰਬਾਜ਼ ਨੇ ਖੁਦ ਇਹ ਗੱਲ ਕਬੂਲ ਕੀਤੀ ਹੈ ਕਿ ਮਲਾਇਕਾ ਨਾਲ ਉਸ ਦੇ ਤਲਾਕ ਦੀ ਇਕ ਵਜ੍ਹਾ ਸੱਟੇਬਾਜ਼ੀ ਵੀ ਸੀ ਤੇ ਵਸੂਲੀ ਲਈ ਉਸ ਨੂੰ ਫੋਨ ਆਉਣ ਲੱਗੇ ਸਨ। ਦੋਵਾਂ ਨੇ 5 ਸਾਲ ਡੇਟਿੰਗ ਤੋਂ ਬਾਅਦ 1998 'ਚ ਵਿਆਹ ਕਰਵਾਇਆ ਸੀ ਪਰ 20 ਸਾਲ ਬਾਅਦ 2017 'ਚ ਇਨ੍ਹਾਂ ਦਾ ਤਲਾਕ ਹੋ ਗਿਆ।