ਨਵੀਂ ਦਿੱਲੀ(ਬਿਊਰੋ)— 'ਬਿੱਗ ਬੌਸ ਸੀਜ਼ਨ 5' 'ਚ ਆਖਰੀ ਤੱਕ ਖੇਡ ਦਾ ਹਿੱਸਾ ਰਹੇ ਮੁਕਾਬਲੇਬਾਜ਼ ਸਿਧਾਰਥ ਭਾਰਦਵਾਜ ਨੂੰ ਸਿਡਨੀ ਦੇ ਇਕ ਪਬ 'ਚ ਐਂਟਰੀ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ। ਸਿਧਾਰਥ ਨੇ ਜਦੋਂ ਬਾਊਂਸਰ ਤੋਂ ਵਜ੍ਹਾ ਜਾਣਨ ਦੀ ਕੋਸ਼ਿਸ਼ ਕੀਤੀ ਤਾਂ ਪਤਾ ਲੱਗਾ ਕਿ ਉਸ ਦੇ ਗਲੇ 'ਤੇ ਮੌਜ਼ੂਦ ਟੈਟੂ ਦੀ ਵਜ੍ਹਾ ਨਾਲ ਉਸ ਨੂੰ ਪਬ 'ਚ ਐਂਟਰੀ ਨਾ ਦਿੱਤੀ ਗਈ। ਸਿਧਾਰਥ ਨੇ ਦੱਸਿਆ ਕਿ ਸੰਭਵਤ ਬਾਊਂਸਰ ਉਸ ਨੂੰ ਕਿਸੇ ਗੈਂਗਸਟਰ ਗਰੁੱਪ ਦਾ ਹਿੱਸਾ ਸਮਝ ਰਿਹਾ ਸੀ। 'ਬਿੱਗ ਬੌਸ' ਸੀਜ਼ਨ 5 ਦਾ ਹਿੱਸਾ ਰਹਿਣ ਤੋਂ ਇਲਾਵਾ ਸਿਧਾਰਥ ਭਾਰਦਵਾਜ ਐੱਮ. ਟੀ. ਵੀ. ਦੇ ਸ਼ੋਅ ਸਪਿਟਸਵਿਲਾ ਦੇ ਜੇਤੂ ਵੀ ਰਹਿ ਚੁੱਕੇ ਹਨ। ਵੀਜੇ ਐਕਟਰ ਸਿਧਾਰਥ ਆਸਟਰੇਲੀਆ 'ਚ ਇਕ ਸ਼ੋਅ ਨੂੰ ਹੋਸਟ ਕਰਨ ਲਈ ਪਹੁੰਚੇ ਸਨ। ਕੰਮ ਖਤਮ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਸੋਚਿਆ ਕਿ ਕਿਸੇ ਪਬ 'ਚ ਜਾ ਕੇ ਮਸਤੀ ਕਰਨ ਦਾ ਮੂਡ ਸੀ। ਸਿਧਾਰਥ ਨੇ ਦੱਸਿਆ ਕਿ ਕਿਉਂਕਿ ਉਹ ਦਿਖਾਉਣ 'ਚ ਵੀ ਪੂਰੀ ਤਰ੍ਹਾਂ ਭਾਰਤੀ ਨਹੀਂ ਲੱਗਦੇ, ਸ਼ਾਇਦ ਬਾਊਂਸਰਜ਼ ਦੇ ਸ਼ੱਕ ਦੀ ਪੁਸ਼ਟੀ ਹੋਈ ਹੋਵੇਗੀ। ਦੱਸ ਦੇਈਏ ਕਿ ਸਿਧਾਰਥ ਨੇ ਸਾਲ 2005 'ਚ 'Splitsvilla' ਜਿੱਤਿਆ ਸੀ ਤੇ ਸਾਲ 2011 'ਚ 'ਬਿੱਗ ਬੌਸ' 'ਚ ਸ਼ਾਮਲ ਹੋਏ ਸਨ। 'ਬਿੱਗ ਬੌਸ' ਸੀਜ਼ਨ 5 'ਚ ਉਹ ਸੈਕਿੰਡ ਰਨਰਅੱਪ ਰਹੇ ਸਨ। ਟੀ. ਵੀ. ਸ਼ੋਅ 'ਖਤਰੋਂ ਕੇ ਖਿਲਾੜੀ' ਸੀਜ਼ਨ 6 'ਚ ਉਸ ਨੇ ਹਿੱਸਾ ਲਿਆ ਪਰ ਬਹੁਤ ਦੂਰ ਤੱਕ ਨਹੀਂ ਜਾ ਸਕੇ।