ਨਵੀਂ ਦਿੱਲੀ(ਬਿਊਰੋ)— ਬਾਲੀਵੁੱਡ ਅਦਾਕਾਰ ਅਨਿਲ ਕਪੂਰ ਦੀ ਧੀ ਸੋਨਮ ਕਪੂਰ 8 ਮਈ ਨੂੰ ਵਿਆਹ ਦੇ ਬੰਧਨ 'ਚ ਬੱਝਣ ਜਾ ਰਹੀ ਹੈ। ਉਹ ਦਿੱਲੀ ਦੇ ਬਿਜ਼ਨੈੱਸਮੈਨ ਆਨੰਦ ਆਹੂਜਾ ਨਾਲ ਵਿਆਹ ਦੇ ਬੰਧਨ 'ਚ ਬੱਝ ਰਹੀ ਹੈ। ਸੋਨਮ ਦੇ ਵਿਆਹ ਲਈ ਅਨਿਲ ਕਪੂਰ ਖਾਸ ਤਿਆਰੀਆਂ 'ਚ ਲੱਗੇ ਹੋਏ ਹਨ ਪਰ ਅਕ ਤਿਆਰੀ ਮੈਡਮ ਤੁਸਾਦ ਮਿਊਜ਼ਿਅਮ ਨੇ ਵੀ ਕੀਤੀ ਹੈ।
ਦਿੱਲੀ ਦੇ ਮੈਡਮ ਤੁਸਾਦ ਮਿਊਜ਼ਿਅਮ ਨੇ ਵੀ ਅਨਿਲ ਕਪੂਰ ਦੀ ਬੇਟੀ ਦੇ ਵਿਆਗ ਨੂੰ ਖਾਸ ਬਣਾਉਣ ਲਈ ਇਕ ਤੋਹਫਾ ਭੇਂਟ ਕੀਤਾ ਹੈ।
ਮੈਡਮ ਤੁਸਾਦ ਮਿਊਜ਼ਿਅਮ ਨੇ ਅਨਿਲ ਕਪੂਰ ਦੇ ਵੈਕਸ ਸਟੈਚੂ ਦਾ ਮੇਕਓਵਰ ਕੀਤਾ ਹੈ, ਜਿਸ 'ਚ ਉਹ ਵਿਆਹ ਦੇ ਪਾਰੰਪਰਿਕ ਲੁੱਕ 'ਚ ਨਜ਼ਰ ਆ ਰਹੇ ਹਨ। ਅਨਿਲ ਨੂੰ ਪਗੜੀ ਤੇ ਮਾਲਾ ਵੀ ਪਹਿਨਾਈ ਗਈ ਹੈ। ਉਨ੍ਹਾਂ ਅੱਗੇ ਦੋ ਢੋਲ ਵਜਾਉਣ ਵਾਲੇ ਵੀ ਖੜ੍ਹੇ ਹਨ। ਮਿਊਜ਼ਿਅਮ ਪ੍ਰਧਾਨ ਨੇ ਇਸ ਤਸਵੀਰ ਇੰਸਟਾਗ੍ਰਾਮ 'ਤੇ ਵੀ ਸ਼ੇਅਰ ਕੀਤੀ ਹੈ। ਉਨ੍ਹਾਂ ਨੇ ਲਿਖਿਆ, ''ਅਨਿਲ ਕਪੂਰ ਆਪਣੀ ਬੇਟੀ ਸੋਨਮ ਕਪੂਰ ਦੇ ਵਿਆਹ ਲਈ ਪਾਰੰਪਰਿਕ ਰੂਪ ਨਾਲ ਤਿਆਰ ਕੀਤੇ ਗਏ ਹਨ। ਸੋਨਮ ਦਾ ਵਿਆਹ ਪੰਜਾਬੀ ਢੰਗ ਨਾਲ ਆਨੰਦ ਆਹੂਜਾ ਨਾਲ ਹੋ ਰਿਹਾ ਹੈ। ਤੁਸੀਂ ਵੀ ਦੇਖੋ ਅਨਿਲ ਕਪੂਰ ਦੀ ਇਹ ਤਸਵੀਰ।''
ਦੱਸਣਯੋਗ ਹੈ ਕਿ ਸੋਨਮ ਕਪੂਰ ਦਾ ਹੋਣ ਵਾਲਾ ਪਤੀ ਆਨੰਦ ਆਹੂਜਾ ਸ਼ੁੱਕਰਵਾਰ ਨੂੰ ਨਿਊਯਾਰਕ ਤੋਂ ਮੁੰਬਈ ਆਇਆ ਹੈ। ਉਸ ਨੂੰ ਸੋਨਮ ਨਾਲ ਨਵਾਂ ਘਰ ਲੱਭਦੇ ਵੀ ਦੇਖਿਆ ਗਿਆ ਹੈ।