ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਹੌਟ ਅਦਾਕਾਰਾ ਕਰੀਨਾ ਕਪੂਰ ਖਾਨ ਨੰਨ੍ਹੇ ਤੈਮੂਰ ਅਲੀ ਖਾਨ ਨੂੰ ਲੈ ਕੇ ਕਰਿਸ਼ਮਾ ਕਪੂਰ ਦੇ ਘਰ ਪਹੁੰਚੀ ਸੀ। ਇਸ ਦੌਰਾਨ ਤੈਮੂਰ ਕਾਫੀ ਕਿਊਟ ਲੁੱਕ 'ਚ ਨਜ਼ਰ ਆਇਆ ਸੀ। ਮਾਂ ਕਰੀਨਾ ਨਾਲ ਤੈਮੂਰ ਕਾਰ ਤੋਂ ਬਾਹਰ ਆਉਂਦੀ ਮੀਡੀਆ ਦੇ ਕੈਮਰਿਆਂ 'ਚ ਕੈਦ ਹੋ ਗਿਆ। ਤੈਮੂਰ ਆਪਣੀ ਮਾਸੀ ਕਰਿਸ਼ਮਾ ਕਪੂਰ ਦੇ ਘਰ ਉਨ੍ਹਾਂ ਨੂੰ ਮਿਲਣ ਪਹੁੰਚਿਆ ਸੀ। ਇਸ ਦੌਰਾਨ ਤੈਮੂਰ ਨੇ ਕਲਰਫੁੱਲ ਸ਼ਰਟ ਪਾਈ ਸੀ, ਜਿਸ 'ਚ ਉਹ ਕਾਫੀ ਕਿਊਟ ਲੱਗ ਰਿਹਾ ਸੀ। ਜਦੋਂ ਤੈਮੂਰ ਨੂੰ ਫੋਟੋਗ੍ਰਾਫਰ ਨੂੰ ਦੇਖਿਆ ਤਾਂ ਉਹ ਕੈਮਰੇ ਅੱਗੇ ਪੋਜ਼ ਦਿੰਦਾ ਵੀ ਨਜ਼ਰ ਆਇਆ। ਇਹ ਸਭ ਦੇ ਕੇ ਮਾਂ ਕਰੀਨਾ ਵੀ ਹੈਰਾਨ ਰਹਿ ਗਈ। ਇਨ੍ਹਾਂ ਤਸਵੀਰਾਂ 'ਚ ਤੈਮੂਰ ਦੀ ਮਾਸੂਮੀਅਤ ਸਾਫ ਝਲਕ ਰਹੀ ਹੈ। ਇਸ ਦੌਰਾਨ ਕਰੀਨਾ ਕਪੂਰ ਵੀ ਕਾਫੀ ਸਟਾਈਲਿਸ਼ ਲੱਗ ਰਹੀ ਸੀ। ਮਾਂ ਕਰੀਨਾ ਤੇ ਪੁੱਤ ਤੈਮੂਰ ਦੀਆਂ ਇਹ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਦੱਸਣਯੋਗ ਹੈ ਕਿ ਕਰੀਨਾ ਕਪੂਰ ਤੈਮੂਰ ਦੇ ਜਨਮ ਤੋਂ ਬਾਅਦ 'ਵੀਰੇ ਦੀ ਵੈਡਿੰਗ' ਨਾਲ ਕਮਬੈਕ ਕਰ ਰਹੀ ਹੈ। ਦੱਸ ਦੇਈਏ ਕਿ ਅੱਜ ਕਰੀਨਾ ਕਪੂਰ ਦੀ ਫਿਲਮ 'ਵੀਰੇ ਦੀ ਵੈਡਿੰਗ' ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਚੁੱਕੀ ਹੈ। ਕੁਝ ਦਿਨ ਪਹਿਲਾਂ ਫਿਲਮ ਦੀ ਸਪੈਸ਼ਲ ਸਕ੍ਰੀਨਿੰਗ ਰੱਖੀ ਗਈ ਸੀ, ਜਿਸ 'ਚ ਬੀ-ਟਾਊਨ ਦੇ ਕਾਫੀ ਸਿਤਾਰੇ ਪਹੁੰਚੇ ਸਨ। ਇਸ ਤੋਂ ਇਲਾਵਾ ਕਰੀਨਾ ਕਪੂਰ ਨੇ ਆਪਣੀ ਗੈਂਗ ਗਰਲ ਨਾਲ ਫਿਲਮ ਦੀ ਪਾਰਟੀ ਵੀ ਕੀਤੀ ਸੀ। ਦੱਸ ਦੇਈਏ ਕਿ ਇਸ ਫਿਲਮ 'ਚ ਕਰੀਨਾ ਕਪੂਰ ਨਾਲ ਸੋਨਮ ਕਪੂਰ, ਸਵਰਾ ਭਾਸਕਰ ਸ਼ਿਖਾ ਤਲਸਾਨਿਆ ਮੁੱਖ ਭੂਮਿਕਾ 'ਚ ਹਨ।