ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਕਿੰਗ ਖਾਨ ਯਾਨੀ ਸ਼ਾਹਰੁਖ ਖਾਨ ਆਪਣੀ ਫਿਲਮ 'ਜ਼ੀਰੋ' ਨੂੰ ਲੈ ਕੇ ਕਾਫੀ ਸੁਰਖੀਆਂ 'ਚ ਹਨ। ਆਨੰਦ ਐੱਲ ਰਾਏ ਦੁਆਰਾ ਬਣਾਈ ਜਾ ਰਹੀ ਫਿਲਮ 'ਚ ਅਭੈ ਦਿਓਲ ਵੀ ਨਜ਼ਰ ਆਉਣਗੇ। ਦੱਸਿਆ ਜਾ ਰਿਹਾ ਹੈ ਕਿ ਅਭੈ ਨਾਲ ਮਸ਼ਹੂਰ ਮਾਡਲ ਸ਼੍ਰੇਆ ਮਿਸ਼ਰਾ ਵੀ ਕੈਮਿਓ ਕਿਰਦਾਰ ਨਿਭਾਉਂਦੀ ਨਜ਼ਰ ਆਵੇਗੀ। ਸ਼ਾਹਰੁਖ ਖਾਨ ਦੀ ਇਸ ਫਿਲਮ 'ਚ ਕੈਟਰੀਨਾ ਕੈਫ ਤੇ ਅਨੁਸ਼ਕਾ ਸ਼ਰਮਾ ਮੁੱਖ ਭੂਮਿਕਾ 'ਚ ਹਨ। ਦੱਸ ਦੇਈਏ ਕਿ ਸ਼੍ਰੇਆ ਮਿਸ਼ਰਾ ਸ਼ਾਹਰੁਖ ਖਾਨ ਦੀ ਫਿਲਮ 'ਚ ਕੈਮਿਓ ਕਰਨ ਵਾਲੀ ਮਾਡਲ 3 ਸਾਲ ਪਹਿਲਾਂ ਇਕ ਬਿਊਟੀ ਕੰਟੈਸਟ 'ਚ ਤੀਜੇ ਨੰਬਰ 'ਤੇ ਆਈ ਸੀ। ਸ਼੍ਰੇਆ ਮਿਸ਼ਰਾ ਨੂੰ ਫਿਲਮ 'ਚ ਇਕ ਛੋਟਾ ਜਿਹਾ ਕਿਰਦਾਰ ਦਿੱਤਾ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼੍ਰੇਆ ਨੂੰ ਅਭੈ ਦਿਓਲ ਦੀ ਪ੍ਰੇਮਿਕਾ ਦੇ ਰੂਪ 'ਚ ਪਰਦੇ 'ਤੇ ਦਿਖਾਇਆ ਜਾਵੇਗਾ। ਪਹਿਲਾਂ ਖਬਰ ਇਹ ਵੀ ਆਈ ਸੀ ਕਿ ਅਭੈ ਦਿਓਲ ਨਾਲ ਕੈਟਰੀਨਾ ਕੈਫ ਨੂੰ ਰੋਮਾਂਸ ਕਰਦੇ ਦਿਖਾਇਆ ਜਾਵੇਗਾ ਪਰ ਹੁਣ ਸ਼੍ਰੇਆ ਨੇ ਇਸ ਫਿਲਮ 'ਚ ਐਂਟਰੀ ਮਾਰ ਦਿੱਤੀ ਹੈ। ਅਦਾਕਾਰਾ ਨੇ ਇਸ ਫਿਲਮ ਲਈ ਸ਼ੂਟ ਵੀ ਕਰ ਲਿਆ ਹੈ ਤੇ ਉਸ ਨੇ ਦੱਸਿਆ ਕਿ ਇਸ ਵੱਡੀ ਫਿਲਮ 'ਚ ਛੋਟੇ ਕਿਰਦਾਰ ਨੂੰ ਲੈ ਕੇ ਮੈਂ ਕਾਫੀ ਉਤਸੁਕ ਹਾਂ। ਕੈਟਰੀਨਾ ਨਾਲਸ ਕੰਮ ਕਰਨ ਨੂੰ ਲੈ ਕੇ ਅਭੈ ਨੇ ਦੱਸਿਆ ਕਿ ਫਿਲਮ ਦੇ ਸਿਲਸਿਲੇ 'ਚ ਕੈਟਰੀਨਾ ਨਾਲ ਮਿਲਣਾ ਕਾਫੀ ਚੰਗਾ ਰਿਹਾ ਪਰ ਕੈਟਰੀਨਾ ਤੇ ਉਸ ਦੇ ਸੀਨ ਦੀ ਟਾਈਮਿੰਗ ਫਿਲਮ 'ਚ ਬਹੁਤ ਹੀ ਥੋੜੀ ਹੈ। ਦੱਸਣਯੋਗ ਹੈ ਕਿ ਸ਼ਾਹਰੁਖ ਖਾਨ ਇਸ ਫਿਲਮ 'ਚ ਬੌਨੇ ਦਾ ਕਿਰਦਾਰ ਨਿਭਾਅ ਰਹੇ ਹਨ। ਫਿਲਮ ਦੇ ਗੀਤ 'ਚ ਸਲਮਾਨ ਖਾਨ ਤੇ ਸ਼੍ਰੀਦੇਵੀ ਵੀ ਨਜ਼ਰ ਆਉਣਗੇ। ਆਪਣੀ ਮੌਤ ਤੋਂ ਪਹਿਲਾਂ ਸ਼੍ਰੀਦੇਵੀ ਨੇ ਇਸ ਗੀਤ ਦੀ ਸ਼ੂਟਿੰਗ ਪੂਰੀ ਕਰ ਲਈ ਸੀ।