ਮੁੰਬਈ(ਬਿਊਰੋ)— ਭਾਰਤ ਦੀ ਮਸ਼ਹੂਰ ਮਾਡਲ ਤੇ ਮਿਸ ਇੰਡੀਆ ਗ੍ਰੈਂਡ ਇੰਟਰਨੈਸ਼ਨਲ ਦਾ ਖਿਤਾਬ ਜਿੱਤਣ ਵਾਲੀ ਅਨੁਕ੍ਰਿਤੀ ਗੁਸਾਈ ਦਾ ਵਿਆਹ ਬੇਹੱਦ ਖਾਸ ਹੈ। ਦੱਸ ਦੇਈਏ ਕਿ ਅਨੁਕ੍ਰਿਤੀ ਦਾ ਵਿਆਹ ਉਤਰਾਖੰਡ ਦੇ ਮੰਤਰੀ ਡਾਕਟਰ ਹਰਕ ਸਿੰਘ ਰਾਵਤ ਦੇ ਬੇਟੇ ਤੁਸ਼ਿਤ ਰਾਵਤ ਨਾਲ ਤੈਅ ਹੋਇਆ ਹੈ।
ਅਨੁਕ੍ਰਿਤੀ ਗੁਸਾਈ ਤੇ ਦੂਨ ਇੰਸਟੀਚਿਊਟ ਆਫ ਮੇਡੀਕਲ ਸਾਇੰਸ ਦੇ ਐੱਮ. ਡੀ. ਤੁਸ਼ਿਤ ਰਾਵਤ ਦਾ ਵਿਆ ਅਪ੍ਰੈਲ 2018 'ਚ ਹੋਣ ਵਾਲਾ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਵਿਆਹ ਦਾ ਸਮਾਰੋਹ 10 ਦਿਨ ਦਾ ਹੋਵੇਗਾ, ਜਿਸ 'ਚ 6 ਰਿਸੇਪਸ਼ਨ ਦਿੱਤੇ ਜਾਣਗੇ।
ਲਗਭਗ 500 ਲੋਕ ਵਿਆਹ ਦੀਆਂ ਰਸਮਾਂ 'ਚ ਸ਼ਿਰਕਤ ਕਰਨਗੇ। ਇਹ ਵਿਆਹ 14 ਅਪ੍ਰੈਲ ਤੋਂ 24 ਅਪ੍ਰੈਲ ਤੱਕ ਚੱਲਣ ਵਾਲਾ ਹੈ। ਇਸ ਵਿਆਹ ਨੂੰ ਆਮ ਲੋਕ ਵੀ ਅਟੈਂਡ ਕਰ ਸਕਦੇ ਹਨ।
ਅਨੁਕ੍ਰਿਤੀ ਨੇ ਮੀਡੀਆ ਨੂੰ ਦੱਸਿਆ ਕਿ ਪਹਿਲਾਂ ਸਮਾਰੋਹ ਰਾਜਸਥਾਨ 'ਚ ਉਦੈਪੁਰ ਪੈਲੇਸ 'ਚ ਹੋਣਾ ਸੀ ਪਰ ਬਾਅਦ 'ਚ ਫੈਸਲਾ ਲਿਆ ਗਿਆ ਕਿ ਉਤਰਾਖੰਡ ਇੰਨੀ ਖੂਬਸੂਰਤ ਜਗ੍ਹਾ ਹੈ ਤਾਂ ਸਾਰੇ ਆਯੋਜਨ ਇਥੇ ਹੀ ਕੀਤੇ ਜਾਣ। ਇਸ ਲਈ ਹੁਣ ਦੇਹਰਾਦੂਨ ਸਥਿਤ ਇਕ ਫਾਰਮ ਹਾਊਸ 'ਚ ਵਿਆਹ ਦਾ ਆਯੋਜਨ ਹੋਵੇਗਾ।
ਦੱਸਣਯੋਗ ਹੈ ਕਿ ਔਲੀ 'ਚ ਪ੍ਰੀ ਵੈਡਿੰਗ ਸ਼ੂਟ ਕੀਤਾ ਜਾਵੇਗਾ। ਇਸ ਲਈ ਮੁੰਬਈ ਤੋਂ ਫੋਟੋਗ੍ਰਾਫਰ ਤੇ ਡਰੈੱਸ ਡਿਜ਼ਾਈਨਰ ਦੀ ਟੀਮ ਸ਼ੁੱਕਰਵਾਰ ਨੂੰ ਦੇਹਰਾਦੂਨ ਪੁੱਜੇਗੀ, ਜਿਸ ਤੋਂ ਬਾਅਦ ਔਲੀ 'ਚ ਸ਼ੂਟ ਕੀਤਾ ਜਾਵੇਗਾ।
ਅਨੁਕ੍ਰਿਤੀ ਡਿਜ਼ਾਈਨਰ ਸਬਿਆਸਾਚੀ ਦਾ ਤਿਆਰ ਕੀਤਾ ਲਹਿੰਗਾ ਪਾਵੇਗੀ। ਇਸ ਲਹਿੰਗੇ ਦੀ ਕੀਮ ਢਾਈ ਲੱਖ ਰੁਪਏ ਦੇ ਕਰੀਬ ਹੈ।
