ਮੁੰਬਈ (ਬਿਊਰੋ)— ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੇਂਜਾਮਿਨ ਨੇਤਨਯਾਹੂ ਪਤਨੀ ਸਾਰਾ ਨੇਤਨਯਾਹੂ ਨਾਲ ਬੀਤੇ ਦਿਨੀਂ ਸ਼ਾਲੋਮ ਬਾਲੀਵੁੱਡ ਇਵੈਂਟ 'ਚ ਸ਼ਾਮਲ ਹੋਏ। ਇਜ਼ਰਾਈਲੀ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਉਨ੍ਹਾਂ ਦਾ ਦੇਸ਼ ਵੀ ਬਾਲੀਵੁੱਡ ਨੂੰ ਪਿਆਰ ਕਰਦਾ ਹੈ। ਨੇਤਨਯਾਹੂ ਨੇ ਕਿਹਾ, 'ਮੈਨੂੰ ਲੱਗਦਾ ਸੀ ਕਿ ਮੈਂ ਹੀ ਵੱਡੀ ਹਸਤੀ ਹਾਂ ਪਰ ਅਮਿਤਾਭ ਬੱਚਨ ਨਾਲ ਮਿਲ ਕੇ ਮੈਨੂੰ ਉਨ੍ਹਾਂ ਦੀ ਪ੍ਰਸਿੱਧੀ ਦਾ ਅਹਿਸਾਸ ਹੋਇਆ। ਉਨ੍ਹਾਂ ਨੂੰ ਮਿਲ ਕੇ ਮੈਂ ਸਪੀਚਲੈੱਸ ਹਾਂ।'
ਇਸ ਮੌਕੇ ਐਸ਼ਵਰਿਆ ਰਾਏ ਬੱਚਨ ਨੇ ਬੇਂਜਾਮਿਨ ਨੇਤਨਯਾਹੂ ਤੇ ਸਾਰਾ ਨੇਤਨਯਾਹੂ ਦਾ ਸੁਆਗਤ ਕੀਤਾ। ਬਿੱਗ ਬੀ ਨੇ ਇਸ ਮੌਕੇ ਕਿਹਾ, 'ਅਸੀਂ ਇਕ ਭਾਈਚਾਰੇ ਦੇ ਤੌਰ 'ਤੇ ਇਕ ਅਜਿਹੇ ਹਨੇਰੇ ਵਾਲੇ ਹਾਲ 'ਚ ਬੈਠ ਕੇ ਫਿਲਮ ਦੇਖਦੇ ਹਾਂ, ਜਿਥੇ ਸਾਨੂੰ ਇਹ ਵੀ ਪਤਾ ਨਹੀਂ ਹੁੰਦਾ ਕਿ ਸਾਡੇ ਨਾਲ ਵਾਲੀ ਸੀਟ 'ਤੇ ਕੌਣ ਬੈਠਾ ਹੈ। ਅਸੀਂ ਵੀ ਬਾਕੀ ਲੋਕਾਂ ਵਾਂਗ ਫਿਲਮ ਦੇਖ ਕੇ ਇੰਜੁਆਏ ਕਰਦੇ ਹਾਂ, ਹੱਸਦੇ ਹਾਂ, ਰੋਂਦੇ ਹਾਂ।'
ਇਸ ਦੌਰਾਨ ਅਮਿਤਾਭ ਬੱਚਨ ਨੇ ਬੇਂਜਾਮਿਨ ਨੇਤਨਯਾਹੂ, ਸਾਰਾ ਨੇਤਨਯਾਹੂ ਤੇ ਬਾਲੀਵੁੱਡ ਸਿਤਾਰਿਆਂ ਨਾਲ ਇਕ ਸੈਲਫੀ ਖਿੱਚੀ। ਬੇਂਜਾਮਿਨ ਨੇਤਨਯਾਹੂ ਨੇ ਕਿਹਾ, 'ਮੈਂ ਬਾਲੀਵੁੱਡ ਫਿਲਮਕਾਰਾਂ ਨੂੰ ਸੱਦਾ ਦਿੰਦਾ ਹਾਂ ਕਿ ਉਹ ਇਜ਼ਰਾਈਲ ਆ ਕੇ ਫਿਲਮਾਂ ਦੀ ਸ਼ੂਟਿੰਗ ਕਰਨ।
ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਾਡੇ ਵਿਚਾਲੇ ਸੱਭਿਆਚਾਰ ਦਾ ਪ੍ਰਸਾਰ ਹੋਵੇਗਾ। ਨੇਤਨਯਾਹੂ ਨੇ ਟਵੀਟ ਕਰਕੇ ਲਿਖਿਆ, 'Will my Bollywood selfie beat @TheEllenShow Hollywood selfie at the Oscars? @SrBachchan @juniorbachchan @rajcheerfull @imbhandarkar @vivek_oberoi ?'
ਪ੍ਰੋਡਿਊਸਰ-ਡਾਇਰੈਕਟਰ ਕਰਨ ਜੌਹਰ ਤੇ ਯੂ. ਟੀ. ਵੀ. ਦੇ ਸੀ. ਈ. ਓ. ਰੌਨੀ ਸਕਰੂਵਾਲਾ ਨੇ ਵੀ ਇਜ਼ਰਾਈਲੀ ਪੀ. ਐੱਮ. ਦਾ ਸੁਆਗਤ ਕੀਤਾ। ਅਮਿਤਾਭ ਬੱਚਨ ਨੇ ਸੈਲਫੀ ਖਿੱਚੀ।
ਇਸ ਦੌਰਾਨ ਸਟੇਜ 'ਤੇ ਐਸ਼ਵਰਿਆ, ਅਭਿਸ਼ੇਕ ਬੱਚਨ, ਕਰਨ ਜੌਹਰ, ਸੁਭਾਸ਼ ਘਈ, ਇਮਤਿਆਜ਼ ਅਲੀ, ਰੌਨੀ ਸਕਰੂਵਾਲਾ, ਸਾਰਾ ਅਲੀ ਖਾਨ ਤੇ ਕਈ ਹੋਰ ਬਾਲੀਵੁੱਡ ਸਿਤਾਰੇ ਮੌਜੂਦ ਸਨ।