ਨਵੀਂ ਦਿੱਲੀ (ਬਿਊਰੋ) : ਬਾਲੀਵੁੱਡ ਦੇ ਮੰਨੇ-ਪ੍ਰਮੰਨੇ ਲੇਖਕ, ਸ਼ਾਇਰ ਤੇ ਗੀਤਕਾਰ ਜਾਵੇਦ ਅਖਤਰ ਸਾਮਜਿਕ ਮੁੱਦਿਆਂ 'ਤੇ ਆਪਣੀ ਬੇਬਾਕ ਰਾਇ ਰੱਖਣ ਕਾਰਨ ਸੁਰਖੀਆਂ 'ਚ ਰਹਿੰਦੇ ਹਨ। ਹਾਲਾਂਕਿ, ਇਸ ਵਾਰ ਜਾਮੀਆ ਯੂਨੀਵਰਸਿਟੀ 'ਚ ਪੁਲਸ ਵੱਲੋਂ ਕੀਤੀ ਗਈ ਕਾਰਵਾਈ 'ਤੇ ਸਵਾਲ ਚੁੱਕਣ ਤੇ ਇਕ ਆਈ. ਪੀ. ਐੱਸ. ਅਧਿਕਾਰੀ ਨੇ ਜਵਾਬ ਦਿੱਤਾ ਹੈ।
ਦਰਅਸਲ, ਜਾਵੇਦ ਅਖਤਰ ਨੇ 311 ਖਿਲਾਫ ਵਿਰੋਧ ਕਰ ਰਹੇ ਜਾਮੀਆ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ 'ਤੇ ਪੁਲਸ ਵੱਲੋਂ ਕੀਤੀ ਗਈ ਕਾਰਵਾਈ 'ਤੇ ਸਵਾਲ ਚੁੱਕੇ ਸਨ। ਉਸ ਤੋਂ ਬਾਅਦ ਆਈ. ਪੀ. ਐੱਸ. ਅਧਿਕਾਰੀ ਸੰਦੀਪ ਮਿੱਤਲ ਨੇ ਜਾਵੇਦ ਅਖਤਰ ਨੂੰ ਜਵਾਬ ਦਿੱਤਾ ਹੈ ਤੇ ਜਾਵੇਦ ਅਖਤਰ ਤੋਂ ਐਕਟ, ਸੈਕਸ਼ਨ ਬਾਰੇ ਪੁੱਛਿਆ ਹੈ।
ਇਸ ਤੋਂ ਪਹਿਲਾਂ ਜਾਵੇਦ ਨੇ ਟਵੀਟ ਕੀਤਾ ਸੀ, ਜਿਸ 'ਚ ਉਨ੍ਹਾਂ ਨੇ ਪੁਲਸ ਨੂੰ ਲੈ ਕੇ ਲਿਖਿਆ ਸੀ, ''ਲਾਅ ਆਫ ਲੈਂਡ ਮੁਤਾਬਿਕ, ਕਿਸੇ ਵੀ ਹਾਲਾਤ 'ਚ ਪੁਲਸ ਕਿਸੇ ਵੀ ਯੂਨੀਵਰਸਿਟੀ ਦੇ ਕੈਂਪਸ 'ਚ ਯੂਨੀਵਰਸਿਟੀ ਦੇ ਅਧਿਕਾਰੀਆਂ ਦੀ ਇਜਾਜ਼ਤ ਤੋਂ ਬਿਨਾਂ ਵੜ੍ਹ ਨਹੀਂ ਸਕਦੀ। ਜਾਮੀਆ ਕੈਂਪਸ 'ਚ ਬਿਨ੍ਹਾਂ ਇਜਾਜ਼ਤ ਵੜ੍ਹ ਕੇ ਪੁਲਸ ਨੇ ਇਕ ਅਜਿਹੀ ਮਿਸਾਲ ਕਾਇਮ ਕੀਤੀ ਹੈ, ਜੋ ਹਰ ਯੂਨੀਵਰਸਿਟੀ ਲਈ ਇਕ ਖਤਰਾ ਹੈ।'' ਇਸ ਦੇ ਜਵਾਬ 'ਚ ਆਈ. ਪੀ. ਐੱਸ. ਸੰਦੀਪ ਮਿੱਤਲ ਨੇ ਟਵੀਟ ਕਰ ਲਿਖਿਆ, ''ਪਿਆਰੇ ਲਾਅ ਐਕਸਪਰਟ, ਪਲੀਜ਼ ਲਾਅ ਆਫ ਲੈਂਡ, ਸੈਕਸ਼ਨ ਨੰਬਰ, ਐਕਟ ਦੇ ਨਾਂ ਨੂੰ ਥੋੜ੍ਹਾ ਵਿਸਤਾਰ ਨਾਲ ਸਮਝਾਓ ਤਾਂ ਜੋ ਅਸੀਂ ਵੀ ਗਿਆਨਵਾਨ ਹੋ ਸਕੀਏ।'' ਇਸ ਜਵਾਬ ਤੋਂ ਬਾਅਦ ਲੋਕ ਆਈ. ਪੀ. ਐੱਸ. ਅਧਿਕਾਰੀ ਦੇ ਜਵਾਬ ਦੀ ਤਾਰੀਫ ਕਰ ਰਹੇ ਹਨ।