ਮੁੰਬਈ(ਬਿਊਰੋ)— ਬ੍ਰਿਟਿਸ਼ ਸੈਂਸਰ ਬੋਰਡ ਨੇ ਭਾਵੇਂ ਹੀ ਫਿਲਮ 'ਪਦਮਾਵਤੀ' ਨੂੰ ਹਰੀ ਝੰਡੀ ਦੇ ਕੇ ਪਾਸ ਕਰ ਦਿੱਤਾ ਹੋਵੇ, ਪਰ ਦੇਸ਼ ਵਿਚ ਸੰਜੇ ਲੀਲਾ ਭੰਸਾਲੀ ਦੀ ਇਸ ਫਿਲਮ ਦੀਆਂ ਮੁਸ਼ਕਲਾਂ ਘੱਟ ਹੋਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਦਰਅਸਲ, ਰਾਜਪੂਤ ਕਰਨੀ ਸੈਨਾ ਵਲੋਂ ਹੁਣ ਵੀ ਫਿਲਮ ਖਿਲਾਫ ਚੱਲ ਰਹੇ ਪ੍ਰਦਰਸ਼ਨ ਨੂੰ ਜਾਰੀ ਰੱਖੇ ਜਾਣ ਦਾ ਫੈਸਲਾ ਲਿਆ ਗਿਆ ਹੈ।
ਇਸ ਬਾਰੇ ਜਦੋਂ ਕਰਨੀ ਸੈਨਾ ਦੇ ਮੁਖੀ ਲੋਕੇਂਦਰ ਸਿੰਘ ਕਲਵੀ ਨੂੰ ਇਹ ਸਵਾਲ ਕੀਤਾ ਗਿਆ ਕਿ ਇਹ ਤਾਂ ਅਵਧ ਦੇ ਕਵੀ ਦੀ 16ਵੀਂ ਸਦੀ ਵਿਚ ਰਾਣੀ ਪਦਮਾਵਤੀ ਅਤੇ ਪਦਮਿਨੀ ਨਾਂ ਨਾਲ ਬਸ ਇਕ ਕਾਲਪਨਿਕ ਕਿਰਦਾਰ ਦੀ ਰਚਨਾ ਸੀ ਤਾਂ ਉਸ 'ਤੇ ਉਨ੍ਹਾਂ ਖੁਦ ਨੂੰ ਰਾਣੀ ਦਾ ਵੰਸ਼ਜ਼ ਸੰਬੋਧਤ ਕੀਤਾ। ਕਲਵੀ ਨੇ ਉਥੇ ਮੌਜੂਦ ਸਭ ਨੂੰ ਕਿਹਾ ਕਿ ਕੀ ਮੈਂ ਭੂਤ ਹਾਂ।
ਅਖੀਰ ਜਦੋਂ ਉਨ੍ਹਾਂ ਨੂੰ ਇਹ ਸਵਾਲ ਕੀਤਾ ਗਿਆ ਕਿ ਹੁਣ ਫਿਲਮ ਦਾ ਕੀ ਹੋਣਾ ਚਾਹੀਦਾ ਹੈ ਤਾਂ ਉਨ੍ਹਾਂ ਕਿਹਾ ਕਿ ਫਿਲਮ ਨੂੰ ਪਹਿਲਾਂ ਵਾਂਗ ਸਿਲਵਰ ਬਾਕਸ ਵਿਚ ਬੰਦ ਕਰਕੇ, ਸਾੜ ਦੇਣਾ ਚਾਹੀਦਾ ਹੈ। ਅਜਿਹੇ ਵਿਚ ਰਾਜਪੂਤਾਂ ਦੇ ਮਾਣ ਨੂੰ ਬਚਾਉਣ ਲਈ ਫਿਲਮ 'ਪਦਮਾਵਤੀ' ਦਾ ਵੀ ਇਹੋ ਹਸ਼ਰ ਹੋਣਾ ਚਾਹੀਦਾ ਹੈ, ਜੋ ਇਤਿਹਾਸ ਵਿਚ ਰਾਣੀ ਦੇ ਨਾਂ ਦਰਜ ਹੈ।