ਨਵੀਂ ਦਿੱਲੀ— ਬਾਲੀਵੁੱਡ ਦੀ ਸੈਕਸੀ ਅਦਾਕਾਰਾ ਸੰਨੀ ਲਿਓਨ ਇਕ ਨਵੀਂ ਮੁਸ਼ਕਿਲ 'ਚ ਘਿਰਦੀ ਨਜ਼ਰ ਆ ਰਹੀ ਹੈ। ਹਾਲ ਹੀ 'ਚ ਸੰਨੀ ਲਿਓਨ ਨੇ ਇਕ ਬੇਟੀ ਨੂੰ ਗੋਦ ਲਿਆ ਸੀ, ਜਿਸ ਦਾ ਨਾਂ ਨਿਸ਼ਾ ਕੌਰ ਵੇਬਰ ਰੱਖਿਆ। ਬੇਟੀ ਦੀ ਤਸਵੀਰ ਸੰਨੀ ਨੇ ਆਪਣੇ ਟਵਿਟਰ 'ਤੇ ਸ਼ੇਅਰ ਕਰਦੇ ਹੋਏ ਖੁਸ਼ੀ ਜ਼ਾਹਰ ਕੀਤੀ ਸੀ। ਸੰਨੀ ਦੇ ਇਸ ਕਦਮ ਦੀ ਕਾਫੀ ਪ੍ਰਸ਼ੰਸ਼ਾਂ ਸੋਸ਼ਲ ਮੀਡੀਆ 'ਤੇ ਕੀਤੀ ਗਈ ਸੀ। ਹੁਣ ਇਸ ਤਸਵੀਰ ਕਾਰਨ ਹੀ ਸੰਨੀ ਲਿਓਨ ਮੁਸ਼ਕਿਲ 'ਚ ਫਸ ਸਕਦੀ ਹੈ।
ਮੀਡੀਆ ਰਿਪੋਰਟਸ ਮੁਤਾਬਕ ਰਾਸ਼ਟਰੀ ਬਾਲ ਆਯੋਗ ਨੇ ਇਸ ਮਾਮਲੇ 'ਤੇ ਸਮਝ ਦਿਖਾਉਂਦੇ ਹੋਏ ਕਾਰਵਾਈ ਕੀਤੀ ਹੈ। ਸੰਨੀ 'ਤੇ ਜੇ. ਜੇ. ਐਕਟ ਦੇ ਉਲੰਘਣਾ ਕਰਨ ਦਾ ਦੋਸ਼ ਲੱਗਾ ਹੈ। ਨਾਲ ਹੀ ਬਾਲ ਵਿਕਾਸ ਸਚਿਵ ਤੋਂ ਵੀ ਜਵਾਬ ਮੰਗਿਆ ਗਿਆ ਹੈ। ਕਿਹਾ ਗਿਆ ਹੈ ਕਿ ਪ੍ਰੀ ਅਡਾਪਸ਼ਨ ਦਾ ਮਾਮਲਾ ਜਦੋਂ ਤੱਕ ਕੋਰਟ 'ਚ ਹੈ ਉਦੋਂ ਤੱਕ ਬੱਚੀ ਦੀ ਤਸਵੀਰ ਸ਼ੇਅਰ ਨਹੀਂ ਕਰ ਸਕਦੇ।
ਇਹ ਮਾਮਲਾ ਕੇਂਦਰੀ ਮਹਿਲਾ ਤੇ ਬਾਲ ਵਿਕਾਸ ਮੰਤਰੀ ਮੇਨਕਾ ਗਾਂਧੀ ਤੱਕ ਪਹੁੰਚਾਈ ਗਈ ਹੈ। ਇਸ ਮਾਮਲੇ 'ਚ ਸੈਂਟਰਲ ਅਡਾਪਸ਼ਨ ਰਿਸੋਰਸ ਅਥਾਰਿਟੀ 'ਤੇ ਵੀ ਜੇ. ਜੇ. ਐਕਟ ਦੇ ਉਲੰਘਣਾ ਦਾ ਦੋਸ਼ ਹੈ ਤੇ ਉਸ ਤੋਂ ਵੀ ਜਵਾਬ ਮੰਗਿਆ ਗਿਆ ਹੈ।