ਪਟਿਆਲਾ— ਪੰਜਾਬੀ ਯੂਨੀਵਰਸਿਟੀ ਦੇ ਫਤਿਹਗੜ੍ਹ ਸਾਹਿਬ ਖੇਤਰ ਦੇ 3 ਦਿਨਾ ਯੂਥ ਫੈਸਟੀਵਲ ਦੀ ਲੜੀ ਦਾ ਆਰੰਭ 26, 27 ਤੇ 28 ਸਤੰਬਰ ਤੋਂ ਆਰੀਅਨਜ਼ ਗਰੁੱਪ ਆਫ ਕਾਲਿਜਜ਼ ਰਾਜਪੁਰਾ (ਨੇੜੇ ਚੰਡੀਗੜ੍ਹ) 'ਚ ਆਯੋਜਿਤ ਕੀਤਾ ਜਾਵੇਗਾ। ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਦੇ ਫਤਿਹਗੜ੍ਹ ਸਾਹਿਬ ਜ਼ੋਨ ਅਧੀਨ ਆਉਂਦੇ 9 ਜ਼ਿਲਿਆਂ ਦੇ ਲਗਭਗ 50 ਕਾਲਜਾਂ ਦੇ 5000 ਵਿਦਿਆਰਥੀ ਇਸ ਯੁਵਾ ਸਮਾਰੋਹ 'ਚ ਵੱਖ-ਵੱਖ ਰੰਗਾਰੰਗ ਪ੍ਰੋਗਰਾਮਾਂ ਅਤੇ ਪ੍ਰਤੀਯੋਗਤਾਵਾਂ 'ਚ ਹਿੱਸਾ ਲੈਣਗੇ।
ਇਨ੍ਹਾਂ 3 ਦਿਨਾਂ 'ਚ ਕਈ ਮੰਨੇ-ਪ੍ਰਮੰਨੇ ਪੰਜਾਬੀ ਕਲਾਕਾਰ ਆਪਣੀ ਲਾਈਵ ਪਰਫਾਰਮੈਂਸ ਦੇਣਗੇ। ਪ੍ਰੀਤ ਹਰਪਾਲ, ਬਨਿਤ ਦੁਸਾਂਝ 26 ਸਤੰਬਰ ਨੂੰ ਲਾਈਵ ਪ੍ਰਫਾਰਮ ਕਰਨਗੇ।
ਰਵਿੰਦਰ ਗਰੇਵਾਲ, ਸਾਰਾ ਗੁਰਪਾਲ 27 ਸਤੰਬਰ ਨੂੰ ਲਾਈਵ ਪਰਫਾਰਮ ਕਰਨਗੇ। ਬੀਨੂੰ ਢਿੱਲੋਂ ਤੇ ਕਰਮਜੀਤ ਅਨਮੋਲ 28 ਸਤੰਬਰ ਨੂੰ ਆਪਣੀ ਲਾਈਵ ਪਰਫਾਰਮੈਂਸ ਦੇਣਗੇ। ਇਸ ਪ੍ਰੋਗਰਾਮ 'ਚ ਹੋਰ ਜ਼ਿਆਦਾ ਆਕਰਸ਼ਣ ਲਿਆਉਣ ਲਈ ਆਰੀਅਨਜ਼ ਆਪਣੇ ਟੈੱਕ ਫੈਸਟ ਦਾ ਵੀ ਆਯੋਜਨ ਕਰੇਗਾ।
ਇਸ 'ਚ 25 ਕੰਪਨੀਆਂ ਹਿੱਸਾ ਲੈਣਗੀਆਂ। ਵੱਖ-ਵੱਖ ਸਕੂਲਾਂ-ਕਾਲਜਾਂ ਦੇ 2500 ਵਿਦਿਆਰਥੀ ਆਪਣੇ ਸਾਇੰਸ ਅਤੇ ਟੈਕਨੀਕਲ ਪ੍ਰਾਜੈਕਟ ਪੇਸ਼ ਕਰਨਗੇ।