ਮੁੰਬਈ(ਬਿਊਰੋ)— ਇੰਨੀ ਦਿਨੀਂ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਬਾਰੇ ਸਭ ਤੋਂ ਜ਼ਿਆਦਾ ਚਰਚਾ ਹੋ ਰਹੀ ਹੈ। ਖਬਰ ਹੈ ਕਿ ਦੋਵੇਂ ਜਲਦ ਵਿਆਹ ਦੀ ਬੰਧਨ 'ਚ ਬੱਝਣ ਵਾਲੇ ਹਨ। ਇਹ ਇਕ ਡੇਸਟਿਨੇਸ਼ਨ ਵੈਡਿੰਗ ਹੈ, ਜੋ ਇਟਲੀ 'ਚ ਹੋਵੇਗੀ। ਫਿਲਹਾਲ ਅਨੁਸ਼ਕਾ ਤੇ ਵਿਰਾਟ ਨੇ ਇਸ ਖਬਰ ਬਾਰੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ।
ਵੈੱਬ ਸਾਈਟ ਦੀ ਖਬਰ ਮੁਤਾਬਕ, ਅਨੁਸ਼ਕਾ ਦੇ ਪਿਤਾ ਨੇ ਬਦਰੀਨਾਥ ਵਾਵਰ 'ਚ ਰਹਿ ਰਹੇ ਆਪਣੇ ਗੁਆਂਢੀਆਂ ਨੂੰ ਇਨਵੀਟੇਸ਼ਨ ਕਾਰਡ ਦਿੱਤੇ ਹਨ। ਗੁਆਂਢੀ ਇਟਲੀ ਤਾਂ ਨਹੀਂ ਜਾ ਸਕਣਗੇ ਪਰ ਅਨੁਸ਼ਕਾ ਦੇ ਪਿਤਾ ਨੂੰ ਕਿਹਾ ਕਿ ਉਹ ਵਿਆਹ ਦੀ ਅਪਡੇਟ ਦਿੰਦੇ ਰਹਿਣ। ਦੱਸ ਦੇਈਏ ਕਿ ਵਿਰਾਟ ਤੇ ਅਨੁਸ਼ਕਾ ਦਾ ਵਿਆਹ 12 ਦਸੰਬਰ ਨੂੰ ਤੈਅ ਹੋਇਆ ਹੈ। ਸਾਰੀਆਂ ਰਸਮਾਂ ਇਟਲੀ 'ਚ ਹੋਣਗੀਆਂ।
ਵਿਆਹ ਦੇ ਬੰਧਨ 'ਚ ਬੱਝਣ ਤੋਂ ਬਾਅਦ ਦੋਵੇਂ ਦੱਖਣੀ ਅਫਰੀਕਾ 'ਚ ਹਨੀਮੂਨ ਲਈ ਰਵਾਨਾ ਹੋ ਸਕਦੇ ਹਨ।
ਵੀਰਵਾਰ ਨੂੰ ਦੇਰ ਰਾਤ ਅਨੁਸ਼ਕਾ ਨੂੰ ਪਿਤਾ ਅਜੇ ਕੁਮਾਰ ਸ਼ਰਮਾ, ਮਾਂ ਅਸ਼ਿਮਾ ਸ਼ਰਮਾ ਤੇ ਭਰਾ ਨਾਲ ਮੁੰਬਈ ਏਅਰਪੋਰਟ 'ਤੇ ਦੇਖਿਆ ਗਿਆ ਸੀ। ਇਨ੍ਹਾਂ ਦੇ ਨਾਲ ਪਰਿਵਾਰਿਕ (ਫੈਮਿਲੀ) ਪੰਡਿਤ ਵੀ ਸੀ। ਪਿਛਲੇ ਸਾਲ ਇਹ ਖਬਰ ਆਈ ਸੀ ਕਿ ਵਿਰਾਟ ਤੇ ਅਨੁਸ਼ਰਾ ਨੇ ਉਤਰਾਖੰਡ 'ਚ ਰੋਕਾ ਸੈਰੇਮਨੀ (ਮੰਗਣੀ) ਕੀਤੀ ਸੀ।
ਉਸ ਸਮੇਂ ਵੀ ਸ਼ਰਮਾ ਪਰਿਵਾਰ ਦੇ ਪੰਡਿਤ ਉਥੇ ਮੌਜੂਦ ਸੀ। ਹਾਲ ਹੀ 'ਚ ਜ਼ਹੀਰ ਖਾਨ ਤੇ ਸਾਗਰਿਕਾ ਘਾਟਗੇ ਦੇ ਵਿਆਹ 'ਚ ਵਿਰਾਟ ਤੇ ਅਨੁਸ਼ਕਾ ਖੂਬ ਡਾਂਸ ਕਰਦੇ ਦਿਖਾਈ ਦਿੱਤੇ ਸਨ। ਖਬਰ ਇਹ ਵੀ ਹੈ ਕਿ ਇਟਲੀ ਦੇ ਮਿਲਾਨ ਸ਼ਹਿਰ 'ਚ ਦੋਵਾਂ ਦੇ ਵਿਆਹ ਤੋਂ ਬਾਅਦ 21 ਦਸੰਬਰ ਨੂੰ ਰਿਸੇਪਸ਼ਨ ਹੋਵੇਗਾ। ਇਹ ਵਿਆਹ ਇਕ ਪ੍ਰਾਈਵੇਟ ਸੈਰੇਮਨੀ ਹੋਵੇਗੀ।
ਦੱਸਣਯੋਗ ਹੈ ਕਿ ਦੋਵੇਂ ਸਾਲ 2013 ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਇੰਨ੍ਹਾਂ ਦੀ ਪਹਿਲੀ ਮੁਲਾਕਾਤ ਇਕ ਵਿਗਿਆਪਨ ਦੀ ਸ਼ੂਟਿੰਗ ਦੌਰਾਨ ਹੋਈ ਸੀ।