ਮੁੰਬਈ (ਬਿਊਰੋ)— ਅਭਿਨੇਤਰੀ ਤੇ ਡਾਂਸਰ ਰਾਖੀ ਸਾਵੰਤ ਅਕਸਰ ਹੀ ਆਪਣੀਆਂ ਹੌਟ ਅਦਾਵਾਂ ਤੇ ਬੋਲਡ ਬਿਆਨਾਂ ਨੂੰ ਲੈ ਕੇ ਲਾਈਮਲਾਈਟ 'ਚ ਰਹਿੰਦੀ ਹੈ। ਅਜਿਹੇ 'ਚ ਇਕ ਵਾਰ ਮੁੜ ਤੋਂ ਰਾਖੀ ਹੌਟਨੈੱਸ ਨੂੰ ਲੈ ਕੇ ਸੁਰਖੀਆਂ 'ਚ ਆ ਗਈ ਹੈ। ਅਸਲ 'ਚ 'ਦਿ ਗ੍ਰੇਟ ਖਲੀ ਰਿਟਰਨਜ਼' ਸ਼ੋਅ 'ਚ ਰਾਖੀ ਸਾਵੰਤ ਤੇ ਅਮਰੀਕੀ ਮੂਲ ਦੀ ਮਹਿਲਾ ਰੈਸਟਰ ਕੇਟੀ ਫੋਰਬਸ ਦੇ ਡਾਂਸ ਦਾ ਜਲਵਾ ਵੀ ਦੇਖਣ ਨੂੰ ਮਿਲ ਰਿਹਾ ਹੈ।
ਰਾਖੀ ਸਾਵੰਤ ਨੇ ਰਿੰਗ 'ਤੇ ਆਪਣੀਆਂ ਅਦਾਵਾਂ ਦੇ ਜਲਵੇ ਬਿਖੇਰੇ। ਉਸ ਨੇ 'ਦਿਲ ਟੋਟੇ-ਟੋਟੇ', 'ਲੈਲਾ' ਤੇ ਹੋਰਨਾਂ ਗੀਤਾਂ 'ਤੇ ਥਿਰਕ ਕੇ ਹਾਜ਼ਰੀਨ ਦਾ ਖੂਬ ਮਨੋਰੰਜਨ ਕੀਤਾ। ਇਸ ਦੌਰਾਨ ਦੀਆਂ ਕੁਝ ਤਸਵੀਰਾਂ ਤੇ ਵੀਡੀਓਜ਼ ਉਸ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਵੀ ਪੋਸਟ ਕੀਤੀਆਂ ਹਨ।
ਰਾਖੀ ਦੀਆਂ ਇਨ੍ਹਾਂ ਅਦਾਵਾਂ ਨੂੰ ਸੋਸ਼ਲ ਮੀਡੀਆ 'ਤੇ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਫੈਨਜ਼ ਰਾਖੀ ਦੀਆਂ ਇਨ੍ਹਾਂ ਤਸਵੀਰਾਂ ਤੇ ਵੀਡੀਓਜ਼ 'ਤੇ ਖੂਬ ਕੁਮੈਂਟਸ ਕਰ ਰਹੇ ਹਨ।
ਹਿੰਦੀ, ਪੰਜਾਬੀ ਤੇ ਅੰਗਰੇਜ਼ੀ ਬੀਟ 'ਤੇ ਸਿਰਫ ਰਾਖੀ ਤੇ ਕੈਟੀ ਹੀ ਨਹੀਂ, ਸਗੋਂ ਮੈਦਾਨ 'ਚ ਮੌਜੂਦ ਦਰਸ਼ਕ ਵੀ ਝੂੰਮ ਉਠੇ। ਰਿੰਗ 'ਚ ਵਿਦੇਸ਼ ਦੀ ਕੈਟੀ ਫੋਰਬਸ ਤੇ ਰਾਖੀ ਸਾਵੰਤ ਵਿਚਾਲੇ ਡਾਂਸ ਦਾ ਮੁਕਾਬਲਾ ਹੋਇਆ।
ਦੋਵਾਂ ਵਿਚਾਲੇ 'ਚਿਕਨੀ ਚਮੇਲੀ' ਤੇ 'ਲੈਲਾ ਮੈਂ ਲੈਲਾ' ਗੀਤਾਂ 'ਤੇ ਰੱਜ ਕੇ ਠੁਮਕੇ ਲੱਗੇ।