ਮੁੰਬਈ(ਬਿਊਰੋ)- ਵਿਰਾਟ ਕੋਹਲੀ 2019 ਦੇ ਸਭ ਤੋਂ ਜ਼ਿਆਦਾ ਕਮਾਈ ਕਰਨ ਵਾਲੇ ਸੈਲੀਬ੍ਰਿਟੀ ਬਣ ਗਏ ਹਨ। ਇਸ ਤਰ੍ਹਾਂ ਉਨ੍ਹਾਂ ਨੇ ਬਾਲੀਵੁੱਡ ਦੇ ਵੱਡੇ ਨਾਮ ਜਿਵੇਂ ਅਕਸ਼ੈ ਕੁਮਾਰ ਅਤੇ ਸਲਮਾਨ ਖਾਨ ਤੱਕ ਨੂੰ ਪਿੱਛੇ ਛੱਡ ਦਿੱਤਾ ਹੈ। ਦੱਸ ਦੇਈਏ, ਇਸ ਦਾ ਪੈਮਾਨਾ ਅਨੁਮਾਨਿਤ ਕਮਾਈ, ਫੇਮ ਅਤੇ ਸੋਸ਼ਲ ਮੀਡੀਆ ਪਾਪੂਲੈਰਿਟੀ ਨੂੰ ਰੱਖਿਆ ਗਿਆ ਹੈ।
ਇਕ ਇੰਟਰਨੈਸ਼ਨਲ ਮੈਗਜ਼ੀਨ ਵੱਲੋਂ ਰਿਲੀਜ਼ ਕੀਤੀ ਗਈ ਟਾਪ 100 ਸੈਲੇਬ੍ਰਿਟੀ ਲਿਸਟ ਮੁਤਾਬਕ, ਵਿਰਾਟ ਦੀ 2019 ਦੀ ਅਨੁਮਾਨਿਤ ਕਮਾਈ 252.72 ਕਰੋੜ ਹੈ । ਦੂਜੇ ਨੰਬਰ ’ਤੇ ਅਕਸ਼ੈ ਕੁਮਾਰ ਦਾ ਨਾਮ ਹੈ, ਜਦਕਿ ਤੀਜੇ ਨੰਬਰ ’ਤੇ ਸਲਮਾਨ ਖਾਨ ਹਨ, ਜਿਨ੍ਹਾਂ ਦੀ ਕਮਾਈ 229.25 ਕਰੋੜ ਹੈ।
ਦੱਸ ਦੇਈਏ ਕਿ ਅਕਸ਼ੈ ਅਤੇ ਸਲਮਾਨ ਦੋਵੇਂ ਹੀ ਅਭਿਨੇਤਾਵਾਂ ਦੀਆਂ ਫਿਲਮਾਂ ਦਸੰਬਰ ਵਿਚ ਰਿਲੀਜ਼ ਹੋਣ ਜਾ ਰਹੀਆਂ ਹਨ। ਜਿੱਥੇ ਸਲਮਾਨ ਦੀ ‘ਦਬੰਗ 3’ 20 ਦਸੰਬਰ ਯਾਨੀ ਕਿ ਅੱਜ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਈ, ਉਥੇ ਹੀ 27 ਦਸੰਬਰ ਨੂੰ ਅਕਸ਼ੈ ਦੀ ‘ਗੁੱਡ ਇਊਜ਼’ ਰਿਲੀਜ਼ ਹੋਵੇਗੀ।
ਆਲੀਆ ਭੱਟ ਤੇ ਦੀਪਿਕਾ ਪਾਦੁਕੋਣ ਹੀ ਅਜਿਹੀਆਂ ਅਭਿਨੇਤਰੀਆਂ ਹਨ, ਜਿੰਨ੍ਹਾਂ ਨੇ ਟਾਪ 10 ਵਿਚ ਜਗ੍ਹਾ ਬਣਾਈ ਹੈ। ਆਲੀਆ 59.21 ਕਰੋੜ ਦੀ ਕਮਾਈ ਨਾਲ 8ਵੇਂ ਤਾਂ ਦੀਪਿਕਾ 48 ਕਰੋੜ ਦੀ ਕਮਾਈ ਨਾਲ 10ਵੇਂ ਨੰਬਰ ’ਤੇ ਹੈ।