ਮੁੰਬਈ (ਬਿਊਰੋ) : ਫਿਲਮ ਅਦਕਾਰਾ ਪ੍ਰਿਅੰਕਾ ਚੋਪੜਾ ਆਪਣੇ ਪਤੀ ਤੇ ਅਮਰੀਕੀ ਗਾਇਕ ਨਿਕ ਜੋਨਸ ਨਾਲ ਭਾਰਤ 'ਚ ਆਈ ਹੈ। ਦੋਵਾਂ ਦੀਆਂ ਤਸਵੀਰਾਂ ਆਨਲਾਈਨ ਵਾਇਰਲ ਹੋ ਰਹੀਆਂ ਹਨ ਤੇ ਦੋਵਾਂ ਦੇ ਫੈਨ ਪੇਜ਼ ਦਾ ਮੰਨਣਾ ਹੈ ਕਿ ਉਹ ਰੰਗਾਂ ਦਾ ਤਿਉਹਾਰ ਹੋਲੀ ਮਨਾਉਣ ਲਈ ਅਮਰੀਕਾ ਤੋਂ ਭਾਰਤ ਆਏ ਹਨ।
ਬੀਤੇ ਦਿਨੀਂ ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਨੇ ਹੋਲੀ ਪਾਰਟੀ ਹੋਸਟ ਕੀਤੀ ਸੀ।
ਇਸ ਪਾਰਟੀ 'ਚ ਪ੍ਰਿਅੰਕਾ ਚੋਪੜਾ ਤੇ ਨਿਕ ਤੋਂ ਇਲਾਵਾ ਕੈਟਰੀਨਾ ਕੈਫ, ਰਾਜਕੁਮਾਰ ਰਾਓ, ਪੱਤਰਲੇਖਾ, ਸੋਨਾਲੀ ਬੇਂਦਰਾ, ਜੈਕਲੀਨ ਫਰਨਾਂਡੀਸ ਅਤੇ ਵਿੱਕੀ ਕੌਸ਼ਲ ਸਮੇਤ ਹੋਰ ਸਿਤਾਰੇ ਵੀ ਨਜ਼ਰ ਆਏ।
ਦੱਸ ਦਈਏ ਕਿ ਪ੍ਰਿਅੰਕਾ ਚੋਪੜਾ ਦਾ ਇਕ ਵੀਡੀਓ ਵੀ ਆਨਲਾਈਨ ਵਾਇਰਲ ਹੋ ਰਿਹਾ ਹੈ।
ਇਸ 'ਚ ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਸਰਕਾਰੀ ਸੰਚਾਰ ਮੰਚ 2020 'ਚ ਸ਼ਾਰਜਾਹ 'ਚ ਬੋਲਦਿਆਂ ਦੇਖਿਆ ਜਾ ਸਕਦਾ ਹੈ, ਜੋ ਦੱਸਦਾ ਹੈ ਕਿ ਉਹ ਉੱਥੇ ਵੀ ਕੁਝ ਦੇਰ ਲਈ ਰੁਕੀ ਸੀ।
ਇਹ ਵੀ ਦੇਖੋ : ਯੈੱਸ ਬੈਂਕ 'ਚ ਫਸੇ ਪਾਇਲ ਰੋਹਤਗੀ ਦੇ ਪਿਤਾ ਦੇ 2 ਕਰੋੜ, PM ਮੋਦੀ ਨੂੰ ਕੀਤੀ ਇਹ ਅਪੀਲ