ਮੁੰਬਈ(ਬਿਊਰੋ)- ਮਰਹੂਮ ਫਿਲਮ ਅਦਾਕਾਰਾ ਸ਼੍ਰੀਦੇਵੀ ਦੀ ਦੂਜੀ ਬਰਸੀ ਦੇ ਕੁੱਝ ਦਿਨਾਂ ਬਾਅਦ ਧੀ ਜਾਨਹਵੀ ਕਪੂਰ ਅਤੇ ਬੋਨੀ ਕਪੂਰ ਨੇ ਬੀਤੇ ਬੁੱਧਵਾਰ ਨੂੰ ਚੇਂਨਈ ਦੇ ਮਾਯਲਾਪੁਰ ਦੇ ਘਰ ’ਚ ਪੂਜਾ ਰੱਖੀ। ਇਸ ਪੂਜਾ ’ਚ ਦੱਖਣੀ ਸੁਪਰਸਟਾਰ ਅਜਿਤ ਸਮੇਤ ਪਰਿਵਾਰਿਤ ਮੈਂਬਰ ਤੇ ਕਈ ਦੋਸਤਾਂ ਨੇ ਭਾਗ ਲਿਆ। ਬੁੱਧਵਾਰ ਸਵੇਰੇ ਚੇਂਨਈ ਤੋਂ ਜਾਨਹਵੀ ਨੇ ਇੰਸਟਾਗ੍ਰਾਮ ’ਤੇ ਪੂਜਾ ਦੀਆਂ ਕੁੱਝ ਤਸਵੀਰਾਂ ਸ਼ੇਅਰ ਕੀਤੀਆਂ। ਜਾਨਹਵੀ ਨੇ ਮਾਂ ਸ਼੍ਰੀਦੇਵੀ ਨੂੰ ਯਾਦ ਕਰਦੇ ਹੋਏ ਲਿਖਿਆ, ‘‘ਕਾਸ਼ ਤੁਸੀਂ ਇੱਥੇ ਹੁੰਦੇ।’’
ਜਾਨਹਵੀ ਕਪੂਰ ਨੇ 24 ਫਰਵਰੀ ਨੂੰ ਸ਼੍ਰੀਦੇਵੀ ਦੀ ਮੌਤ ਦੇ ਕੁੱਝ ਮਹੀਨਿਆਂ ਬਾਅਦ ਜੁਲਾਈ 2018 ’ਚ ਬਾਲੀਵੁੱਡ ’ਚ ਡੈਬਿਊ ਕੀਤਾ ਸੀ। ਸ਼੍ਰੀਦੇਵੀ ਅਤੇ ਬੋਨੀ ਕਪੂਰ ਦੀ ਛੋਟੀ ਧੀ ਖੁਸ਼ੀ ਨਿਊਯਾਰਕ ’ਚ ਫਿਲਮ ਦੀ ਪੜਾਈ ਕਰ ਰਹੀ ਹੈ। ਇਸ ਵਿਚਕਾਰ ਆਪਣੇ ਇੰਸਟਾਗ੍ਰਾਮ ’ਤੇ ਜਾਨਹਵੀ ਨੇ ਸ਼੍ਰੀਦੇਵੀ ਦੀ ਕੁੱਝ ਪਸੰਦੀਦਾ ਤਸਵੀਰਾਂ ਸ਼ੇਅਰ ਕੀਤੀਆਂ। ਇਕ ਬਾਲ ਕਲਾਕਾਰ ਦੇ ਅੰਦਾਜ਼ ਵਿਚ ਹਨ। ਜਾਨਹਵੀ ਅਕਸਰ ਆਪਣੀ ਭਾਵੁਕ ਪੋਸਟਾਂ ਨਾਲ ਸ਼੍ਰੀਦੇਵੀ ਦੀਆਂ ਤਸਵੀਰਾਂ ਸ਼ੇਅਰ ਕਰਦੀ ਰਹਿੰਦੀ ਹੈ।
ਸ਼੍ਰੀਦੇਵੀ ਨੇ ਪੰਜ ਦਹਾਕਿਆਂ ਦੇ ਲੰਬੇ ਕਰੀਅਰ ’ਚ 300 ਤੋਂ ਜ਼ਿਆਦਾ ਫਿਲਮਾਂ ਵਿਚ ਐਕਟਿੰਗ ਕੀਤੀ। ਸ਼੍ਰੀਦੇਵੀ ਨੂੰ ਆਖਰੀ ਵਾਰ ਆਨਸਕ੍ਰੀਨ ਸ਼ਾਹਰੁਖ ਖਾਨ ਦੀ ਫਿਲਮ ‘ਜ਼ੀਰੋ’ ’ਚ ਦੇਖਿਆ ਗਿਆ ਸੀ। ਉਨ੍ਹਾਂ ਦੀ ਮੌਤ ਤੋਂ ਪਹਿਲਾਂ ਉਨ੍ਹਾਂ ਦੇ ਹਿੱਸੇ ਨੂੰ ਸ਼ੂਟ ਕਰ ਲਿਆ ਗਿਆ ਸੀ।
ਇਹ ਵੀ ਪੜ੍ਹੋ: ਸ਼ਰਧਾ ਨਾਲ ਸੈਫਲੀ ਲੈਣ ਲਈ ਬੇਤਾਬ ਹੋਈ ਫੈਨ ਨੂੰ ਟੀਮ ਨੇ ਖਿੱਚ ਕੇ ਕੀਤਾ ਪਿੱਛੇ, ਵੀਡੀਓ ਵਾਇਰਲ