ਮੁੰਬਈ(ਬਿਊਰੋ)- ਸਲਮਾਨ ਖਾਨ ਦੀ ਭੈਣ ਅਰਪਿਤਾ ਖਾਨ ਸ਼ਰਮਾ ਨੇ ਪਿਛਲੇ ਸਾਲ ਸਲਮਾਨ ਦੇ ਬਰਥਡੇ ’ਤੇ ਧੀ ਆਯਤ ਨੂੰ ਜਨਮ ਦਿੱਤਾ। ਜਨਮ ਤੋਂ ਬਾਅਦ ਤੋਂ ਹੀ ਆਯਤ ਇੰਟਰਨੈੱਟ ’ਤੇ ਛਾਈ ਹੋਈ ਹੈ। ਮਾਮੂ ਸਲਮਾਨ ਨਾਲ ਆਯਤ ਦੀਆਂ ਤਸਵੀਰਾਂ ਤੇ ਵੀਡੀਓਜ਼ ਅਕਸਰ ਹੀ ਸੁਰਖੀਆਂ ਬਣ ਜਾਂਦੀਆਂ ਹਨ। ਹੁਣ ਅਰਪਿਤਾ ਨੇ ਮਾਮੂ ਸਲਮਾਨ ਨਾਲ ਆਯਤ ਦੀ ਇਕ ਹੋਰ ਵੀਡੀਓ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਵਿਚ ਸਲਮਾਨ ਆਪਣੀ ਭਾਣਜੀ ਆਯਤ ਨੂੰ ਕਿੱਸ ਕਰਦੇ ਨਜ਼ਰ ਆ ਰਹੇ ਹਨ। ਦੋਵਾਂ ਦਾ ਇਹ ਵੀਡੀਓ ਬੇਹੱਦ ਕਿਊਟ ਹੈ। ਅਰਪਿਤਾ ਨੇ ਵੀਡੀਓ ਸਾਂਝਾ ਕਰਦੇ ਹੋਏ ਲਿਖਿਆ,‘‘ਅਸੀਂ ਤੁਹਾਨੂੰ ਬਹੁਤ ਪਿਆਰ ਕਰਦੇ ਹਾਂ ਮਾਮੂ।’’ ਇਹ ਗੱਲ ਤਾਂ ਸਾਫ ਹੈ ਕਿ ਆਯਤ ਕੁੱਝ ਨਹੀਂ ਕਹਿ ਸਕਦੀ ਪਰ ਉਸ ਦੀ ਮਾਂ ਤਾਂ ਭਾਵਨਾਵਾਂ ਜ਼ਾਹਰ ਕਰ ਸਕਦੀ ਹੈ।
ਆਯਤ ਦਾ ਜਨਮ 27 ਦਸੰਬਰ 2019 ਨੂੰ ਸਲਮਾਨ ਦੇ ਜਨਮਦਿਨ ਵਾਲੇ ਦਿਨ ਹੋਇਆ ਸੀ। ਦਰਅਸਲ, ਅਰਪਿਤਾ ਨੇ ਸੀ- ਸੈਕਸ਼ਨ ਰਾਹੀਂ ਭਰਾ ਦੇ ਜਨਮਦਿਨ ’ਤੇ ਆਯਤ ਨੂੰ ਜਨਮ ਦਿੱਤਾ ਸੀ। ਅਰਪਿਤਾ ਅਤੇ ਉਨ੍ਹਾਂ ਦੇ ਪਤੀ ਆਯੁਸ਼ ਸ਼ਰਮਾ ਸਲਮਾਨ ਨੂੰ ਖਾਸ ਤੋਹਫਾ ਦੇਣਾ ਚਾਹੁੰਦੇ ਸਨ।
ਆਯਤ ਦੇ ਜਨਮ ਤੋਂ ਬਾਅਦ ਸਲਮਾਨ ਵੀ ਬੇਹੱਦ ਖੁਸ਼ ਸੀ। ਉਨ੍ਹਾਂ ਨੇ ਆਯਤ ਨੂੰ ਉਨ੍ਹਾਂ ਦੀ ਜ਼ਿੰਦਗੀ ਦਾ ਹੁਣ ਤੱਕ ਦਾ ਬੈਸਟ ਗਿਫਟ ਦੱਸਿਆ। ਸੋਸ਼ਲ ਮੀਡੀਆ ’ਤੇ ਭਾਣਜੇ-ਭਣੇਵੀ ਨਾਲ ਸਲਮਾਨ ਖਾਨ ਦੀ ਤਸਵੀਰਾਂ ਤੇ ਵੀਡੀਓਜ਼ ਅਕਸਰ ਵਾਇਰਲ ਹੁੰਦੀਆਂ ਰਹਿੰਦੀਆਂ ਹਨ।
3 ਮਿਲੀਅਨ ਫੈਨਜ਼ ਹੋਣ ਦੀ ਖੁਸ਼ੀ ’ਚ ਰਸ਼ਮੀ ਦੇਸਾਈ ਨੇ ਮਨਾਇਆ ਜਸ਼ਨ